“Luarasi” i bashkohet nismës kundër dhunës
Hajdarmataj: Institucion model në fuqizimin e grave përmes edukimit
Universiteti "Luarasi" i është bashkuar fushatës botërore "Orange the world: HearMeToo", që i jep fund heshtjes ndaj dhunës së grave e vajzave.
E me këtë kauzë, studentët e Fakultetit Ekonomik mësuan edhe rëndësinë e aktivizimit në shoqërinë civile dhe mënyrën sesi marketon qeveria dhe organizatat qeveritare në kauza të ngjashme. Ky ishte qëllimi i dyfishtë i bisedës së një dite më parë i drejtoreshës së Qendrës "Gratë në shërbimin publik", Mimoza Hajdarmataj, me të rinjtë e "Luarasit". Për të, rruga e vetme që fuqizon gra e vajza është edukimi. "Dhe Universiteti ' Luarasi' është një universitet i hapur drejt dijes, i hapur drejt bashkëpunimit me shoqërinë civile. U ndjemë shumë komodë në bashkëbis- edimin me studentët. Ne jemi shumë të nderuar që ishim këtu dhe ndamë informacione me të rinjtë e "Luarasit". Kemi moto fuqizimin nëpërmjet edukimit dhe është pikërisht ky universitet, i cili tashmë po jep shembull për vlerat që përcjell, studentët janë shumë të angazhuar dhe jo vetëm në botën akademike, por edhe në aktivizmin", tha Hajdarmataj, duke nënvizuar se me këtë aktivitet është çelur sipari i aktiviteteve midis qendrës që drejton dhe universitetit, falë një marrëveshjeje që ata kanë. E pranishme në leksionin e hapur me studentët, shefja e Departamentit të Administrim - Biznesit në "Luarasi", dr. Aelita Mani, vë në dukje se aktivitete të tilla përgatisin profesionalisht studentët për tregun e punës. "Është një orë konkrete dhe në kuadër të një fushate mbarëkombëtare për sensibilizimin e brezave për dhunën kundër grave dhe vajzave. U tregon studentëve sesi marketingu është së pari një praktikë sociale për masat, konsumatorët dhe popullin mbarë. Studentët tanë e perceptojnë marketingun në funksion të biznesit, pavarësisht nga forma e organizimit të tij, por për ta është më e vështirë që të perceptojnë fak- tin se marketingu mund të përdoret edhe nga organizatat joqeveritare për misionin dhe punën e tyre". Aktiviteti i një dite më parë vjen në sinkron me zhvillimet që po ndodhin në mbarë botën në kuadër të luftës ndaj dhunës së grave e vajzave. Për pedagogen dr. Mani, "Luarasi" synon të prodhojë jo vetëm profesionistë të zotë, por edhe qytetarë me vlera. "Ishte mundësia më e mirë për të konkretizuar sesi një orë marketingu në funksion të marketingut për OJF- të mund të jetë një shembull konkret në funksion të një aktiviteti të caktuar dhe pse jo, duke sensibilizuar dhe studentët tanë të jenë pjesë e aktiviteteve të tilla. Ne i për- gatisim studentët tanë për nesër, jo vetëm për të qenë teknicienë shumë të mirë, por dhe qytetarë me vlera në shërbim të komunitetit dhe të njëri- tjetrit. Mundësitë e punësimit janë pafund dhe ne përpiqemi të përgatisim studentët tanë të shikojnë të tëra alternativat dhe mundësitë për të qenë vetadministrues të vetes, të ardhurave dhe mundësive të punësimit". Nëpërmjet praktikave të tilla, "Luarasi" vazhdon të mbetet një ndër liderët e arsimit të lartë në vend, duke sjellë përvojën më të mirë pranë studentëve e duke i përgatitur më së miri profesionalisht për të qenë të suksesshëm në tregun e punës.