Agjenti i arrestuar ukrainas: Misioni ynë ishte provokues
Poroshenko: Janë në presion, jemi në rrezik pushtimi nga Rusia
Rusia ka publikuar në televizion deklaratat e tre prej anëtarëve të ekuipazhit të anijeve të sekuestruara ukrainase, ku ata dëgjohen të thonë se ishin në dijeni të natyrës provokuese të misionit të tyre, duke shtuar tensionet mes vendeve.
Komandanti i flotës ukrainase tha se ata ishin detyruar të gënjenin për shkak të presionit. Vendet perëndimore e kanë dënuar përdorimin e forcës nga Rusia, katër vite pasi ajo aneksoi gadishullin e Krimesë nga Ukraina. Shërbimi i sigurisë Së Ukrainës tha se kishte oficerë të inteligjencës në anijet e konfiskuara nga Rusia gjatë një sulmi detar pranë gadishullit të Krimesë, në një kohë kur Moska paralajmëroi për një përshkallëzim të tensioneve pas vendosjes së ligjit të gatishmërisë ushtarake nga Kievi. Kreu i shërbimit të sigurisë të Ukrainës, SBU, tha në një deklaratë të martën se oficerët po kryenin operacione kundërzbulimi për marinën ukrainase në përgjigje të presionit psikologjik dhe fizik të spiunëve rusë dhe kërkuan që ta ndërpresin këtë aktivitet. Deklarata nuk shtjellonte se për çfarë ishin marrë këto masa. Agjencia e inteligjencës ruse, FSB, pranoi të hënën vonë se oficerët ukrainas ishin në anije, duke e quajtur praninë e tyre si një provokim. Dymbëdhjetë nga 24 marinarët ukrainas të ndaluar nga Rusia u dërguan në gjykatë në Krime për t'u përballur me akuzat se ata hynë në mënyrë të paligjshme në ujërat territoriale ruse. Moska dhe Kievi vazhduan të hidhnin fajin te njëra- tjetra, pasi forcat ruse sulmuan dhe pushtuan tri anije ukrainase në ngushticën e Kerch- it, e cila lidh Detin e Zi me Detin Azov dhe kapi 24 anëtarë të ekuipazhit. Në hakmarrje, qeveria e Presidentit Petro Poroschenko vendosi ligjin e gatishmërisë ushtarake për 30 ditë në 10 tajne kufit- are. Poroshenko ka paralajmëruar për nj kërcënim të pushtimit nga toka prej Rusisë, duke e quajtur shumë serioze këtë. Pesë nga 10 rajonet kufizohen me Rusinë, dy janë në kufi me rajonin separatist të Moldavisë, Trans- Dniester, ku ndodhen trupat ruse. Tre të tjerat janë në Detin e Zi apo Detin Azov pranë Krimesë.