Harta që dëshmon se do shpallej mbret. Zbulohet letra e rrallë e Skënderbeut në arkivat e Shuteriqit
RAMA SQARON DEKLARATEN NE KOSOVE DHE MBYLL VITIN E GJERGJ KASTRIOTIT. EKSPOZOHET HARTA E 1455 DHE LETRA E 1460
Ambasadorja gjermane në Tiranë, Susanne Schulz, deklaron se vendi i Kosovës dhe Serbisë është në Bashkimin Europian, ndaj edhe duhet punuar për normalizimin e marrëdhënieve mes tyre.
Diplomatja gjermane reagoi për deklaratat e Kryeministrit Rama, i cili foli për rezerva të forta ndaj Bashkimit Europian në lidhje me vlerësimin e progreseve që kanë bërë dy shtetet. “Ne kemi thënë si Gjermani edhe në qëndrimin tonë zyrtar që të gjashta shtetet e Ballkanit Perëndimor kanë një perspektivë për t’u anëtarësuar në Bashkimin Europian, kjo vlen edhe për Kosovën dhe Serbinë. Por është shumë e rëndësishme që Kosova dhe Serbia të bëjnë progres për normalizimin e marrëdhënieve. Në këtë kontekst, unë shpresoj që diferencat mes këtyre dy vendeve të përballohen. Qeveria Gjermane dhe Kancelarja Merkel kanë thënë se një ndryshim i kufijve do të çonte në një zgjidhje”, tha ambasadorja gjermane. Në mbledhjen e përbashkët të dy qeverive të zhvilluar në Pejë, Rama theksoi se Shqipëria dhe Kosova kanë mbetur të zhgënjyer nga qasja e BE- së sa i takon çeljes së negociatave dhe liberalizimit të vizave. “Sot është dita për ta thënë me forcë se e drejta ndërkombëtare nuk njeh gjysmështete apo shtet në letër të zhveshur. Kjo drejtësi është ajo e të drejtave të njeriut, që nuk njeh gjysmënjerëz. Ne i kemi mirëpritur në çdo çast të gjitha dinamikat shumëpalëshe apo dypalëshe që çojnë drejt plotësimit të kuadrit gjysmë të plotësuar. Kemi qenë dhe mbetemi të zhgënjyer nga qasja e BE- së dhe të gjitha atyre shteteve që janë në themel të pavarësisë së Kosovës në raport me të drejtën për lëvizjen e lirë të qytetarëve të saj. Dhe ja pse themelimi i forcave të armatosura të Kosovës ishte hapi i duhur dhe domethënës në kuptim të plotësimit të kuadrit të një shteti që nuk mund të konsiderohet nga askush një gjysmështet. Ngjarjet si e Interpolit, shfaqje dekurajuese”, deklaroi Rama. AMBASADORJA
Diplomatja gjermane Schulz apeloi edhe për opozitën, që të rikthehet në Parlament dhe të marrë pjesë në miratimin e reformave të rëndësishme siç është ajo në Kodin Zgjedhor. “Ne jemi të mendimit që në demokraci nevojitet edhe një opozitë, por edhe për këtë opozitë vendi është në Parlament. Unë i drejtoj një apel opozitës që të rikthehet sërish në Parlament sepse ka shumë ligje për t’u miratuar. Është Reforma Zgjedhore, për të cilën janë të nevojshme edhe votat e opozitës në Parlament”, shtoi ambasadorja. Sipas Schulz, Shqipëria ka bërë progrese të rëndësishme për çeljen e negociatave, por sipas saj ka ende punë për luftën ndaj korrupsionit dhe krimit të organizuar. “Shqipëria ka një perspektivë për t’u anëtarësuar në Bashkimin Europian. Ne shpresojmë që kjo do të arrihet vitin që vjen. Pra, do të arrihet që të binden vendet anëtare të Bashkimit Europian për të hapur negociatat me Shqipërinë. Vendi juaj ka bërë një progres të madh në këtë rrugë. Por ka ende për të bërë dhe ne këtë e kemi thënë gjithmonë që bëhet fjalë për krimin e organizuar dhe korrupsionit ku duhet të ketë përparime”, deklaroi ambasadorja Schulz.