Emrat e krerëve të rinj të PD në rrethe, kandidatët për ekipin drejtues
MBYLLEN ZGJEDHJET NE DEGE, NIS GARA PER LIDERSHIPIN E RI
Partia Demokratike do të thërrasë Kuvendin Kombëtar të PD- së më 15 dhjetor. Kuvendi Kombëtar i demokratëve do të jetë vetëm zgjedhor pas atij për ndryshimet statutore që u mblodh më 29 prill të këtij viti.
Përzgjedhja e kryetarëve të rinj të degëve në të gjithë vendin i hap rrugë zgjedhjes së Këshillit Kombëtar të Partisë Demokratike, që do të zgjidhet më 15 dhjetor. Kuvendi Kombëtar është organi më i lartë vendimmarrës i PD- së dhe të gjithë drejtuesit lokalë dhe anëtarët me të drejtë vote do të zgjedhin për anëtarët e rinj të Këshillit Kombëtar. Sipas ndryshimeve statutore të miratuara në prill të këtij viti, me të drejtë vote në Kuvend janë: kryetarët dhe sekretarët e seksioneve, grupseksioneve, anëtarët e kryesive të degëve, anëtarët e Këshillit Kombëtar të PD- së, deputetët e PD- së, sekretarët funksionalë, koordinatorët, kryetarët e bashkive të degës, prefektët, kryetari i qarkut dhe këshilltarët vendorë, anëtarë të PD- së dhe anëtarët e kryesive të degëve të PD- së. Zgjedhja e Këshillit Kombëtar të ri Kombëtar të PD- së më 15 dhjetor do t'i hapë rrugë përzgjedhjes së ekipit të ri të Lulzim Bashës në krye të Partisë Demokratike. Çdo anëtar i zgjedhur i Këshillit Kombëtar në PD do të ketë të drejtë vote për përzgjedhjen e lidershipit të ri në selinë blu.
KANDIDATËT Ndonëse zyrtarizimi i emrave për postet më të larta drejtuese në PD do të kërkojë fillimisht zgjedhjen e Këshillit të ri Kombëtar, kandidaturat e mundshme për çdo pozicion ekzistojnë. Në garën për "numrin 2" në PD parashikohet të ketë katër kandidatë. Dy nënkryetarët aktualë, Edi Paloka dhe Edmond Spaho, pritet të rikandidojnë si nënkryetarë, ndërkohë që ambicien për këtë post pritet ta shfaqin edhe sekretari i përgjithshëm Arben Ristani dhe nënkryetarja e Komisionit të Ekonomisë, Jorida Tabaku. Për vendin e lënë bosh nga Ristani si sekretar i përgjithshëm, pritet të garojnë deputetët Oerd Bylykbashi, Flamur Noka dhe ish- ministri i Drejtësisë, Gazment Bardhi. Edhe sekretari organizativ Eno Bozdo duket se do të heqë dorë nga or- ganizimi për t'i qëndruar profilit të tij të çështjeve ekonomike. Burime nga PDja bëjnë me dije se Bozdo mund të garojë përballë Besart Kadisë për postin e sek- retarit të Ekonomisë. Ndërkohë që organizimi në PD pritet të diskutohet mes Fatbardh Kadillit dhe Gent Strazimirit. Sekretari për Çështjet Zgjedhore, Ivi Kaso, do të kërkojë të qëndrojë në detyrën e tij, njësoj si sekretari për Aksionin Qytetar, Ervin Salianji. Duket se përballë Kasos do të jetë Enkelejd Alibeaj ndërkohë që për- ballë Salianjit do të jetë anëtari i kryesisë, Gent Malko. Për postin e sekretarit të Burimeve Njerëzore kandidatë të mundshëm janë Sait Dollapi dhe Eris Hoxha.