SHBA- BE, të bindura se taksa 100% ndaj Serbisë duhet të hiqet
Palmer, Kosovës: Hiqni taksën, pengon vazhdimin e dialogut
Dy zyrtarë të lartë amerikanë i kanë bërë thirrje Kosovës që të heqë taksën 100 për qind ndaj mallrave me origjinë nga Serbia dhe Bosnje Hercegovina.
Zhurma më madhe është bërë për mallrat me origjinë nga Serbia, pasi politikanët serbë në Kosovë po bëjnë të pamundur për ta shfrytëzuar taksën që të shfaqen si komunitet i keqtrajtuar në Kosovë. Lidhjet e tyre janë vetëm me Beogradin zyrtar tashmë, pasi me një rezolutë gjatë ditëve të para të protestës kundër taksës, ata vendosën të mos mbajnë asnjë kontakt me qeverinë qendrore në Prishtinë dhe krerët e katër komunave me shumicë serbe në Veri të Kosovës, dhanë dorëheqjen. Një ditë pas vizitës së komisionarit të BE për Fqinjësi dhe Zgjerim, Johannes Hahn, i cili bëri thirrje për heqjen e taksës pasi pengon stabilitetin dhe marrëdhëniet e mira në rajon, kanë ardhur mesazhe të ngjashme edhe nga SHBA. Zëv- endësndihmëssekretari amerikan i Shtetit për Europën Juglindore, Mathew Palmer, kërkoi që Prishtina të heqë taksën e vendosur për produktet me origjinë nga Serbia dhe Bosnja e Hercegovina. Sipas tij, SHBA konsideron se këto tarifa janë një pengesë për vazhdimësinë e dialogut Kosovë- Serbi. “Shtetet e Bashkuara mbështesin plotësisht përkushtimin e BE- së për të zgjidhur këtë çështje ndërmjet Prishtinës dhe Beogradit”, ka thënë Palmer për mediat në Sarajevë. Po ashtu, edhe Ambasadori amerikan në Serbi, Kyle Scott, tha se SHBA- ja dhe BEja janë të bashkuara në bindjen se tarifa e Kosovës duhet të hiqet. “Normalizimi i marrëdhënieve ndërmjet Serbisë e Kosovës është rruga e vetme drejt stabilitetit e prosper- itetit. Nevojitet gjakftohtësi dhe udhëheqje e guximshme. SHBA- ja dhe BE- ja janë të bashkuar në bindjen se tarifa duhet hequr”, ka thënë Scott për mediat serbe. Kryeministri i Kosovës, Ramush Haradinaj, ka thënë që veprimet e Serbisë e kanë detyruar Kosovën të vendosë taksën dhe ajo do të hiqet vetëm kur Serbia të njohë Kosovën.