Humbje për May, tani qeveria kontrollohet nga Dhoma e Përfaqësuesve
Kryeministrja britanike, Theresa May, ka pësoi një humbje tjetër mbrëmjen e së martës, pasi ligjvënësit nga partia e saj konservatore kanë imponuar miratimin e një amendamenti që i jepte Parlamentit më shumë pushtet mbi politikën e Kryeministres. Dhoma e Përfaqësuesve miratoi një amendament, ku e bën të qartë se Parlamenti duhet të jetë në gjendje të drejtojë qeverinë sesi të përgjigjet nëse Kryeministrja humbet votën e krizës mbi marrëveshjen e saj për Brexit ( largimin vendit nga BE). Kjo humbje u shënua pak minuta pasi qeveria u gjet e “përbuzur” nga Parlamenti për herë të parë në histori dhe pak momente para se May të ngrihej dhe të fliste për paketën e dakorduar prej saj me BE. Duke nisur pesëditëshin e debatit deri në votimin e paketës, May këmbënguli se projekti i saj ishte e vetmja mënyrë për të bashkuar vendin sërish. Ajo u kujtoi deputetëve se jeta varet nga kompromisi dhe paralajmëroi se vrasja e marrëveshjes së saj do të rrezikonte mosaplikimin e Brexit, diçka që ajo tha do të ishte katastrofike për besimin e publikut në politikë. Por, Kryeministrja u tall nga grupet e opozitës, ndërsa aleatët e saj konservatorë qëndronin të zymtë. Udhëheqësi i Dhomës Përfaqësuese, Andrea Leadsom, kishte apeluar që deputetët të mos e miratojnë amendamentin, por ai u miratua me 321 vota kundrejt 299 kundër tij. Deputeti konservator rebel, Dominic Grieve, akuzoi ministrat për mosrespektimin e Parlamentit duke u përpjekur ta bllokojnë amendamentin. Edhe laburistët dhanë mbështetje të fuqishme për amendamentin. Paketa e miratuar nga May me Brukselin duhet të votohet në Parlamentin britanik më 11 dhjetor, në një përballje që mund të përcaktojë të ardhmen e vendit për brezat e ardhshëm. May po përballet me një humbje katastrofike, pasi rreth 100 deputetë nga partia e saj konservatore kanë sinjalizuar publikisht se do ta kundërshtojnë marrëveshjen e saj, ndërsa Laburisti, SNP dhe Liberal Demokratët janë gjithashtu kundër. Ministrat po përpiqen të ulin potencialin e Parlamentit për të minuar qasjen e qeverisë, duke kufizuar ndryshimet në planin e tyre. Por tani, pas votimit, fati i May është i detyruar të varet nga Parlamenti. Amendamenti i ri e lejon Parlamentin që të refuzojë planet e qeverisë dhe të instruktojë ministrat të bëjnë diçka ndryshe, si për shembull të zgjasin Nenin 50 ( shkëputjen nga BE) apo të mbajnë një referendum të ri.