Do vinin për Kaçifas, Policia ndalon 200 ekstremistë e deputetin grek
“Kam ngushëlluar familjen e Petrit Zifles që u vra në Greqi”
Kisha Ortodokse Autoqefale e Shqipërisë ka bërë një reagim për mediat lidhur me akuzat se po mban qëndrime të njëanshme për ngjarjet e ndodhura së fundmi në Greqi dhe Shqipëri. Në reagim thuhet se kryepeshkopi Anastas Janullatos ka shprehur ngushëllime si për familjen e Konstantinos Kaçifës, ashtu edhe për familjen e shqiptarit të vrarë në Greqi, Petrit Zifla. Për këto qëndrime, në reagim thuhet se Janullatos ka marrë kërcënime si nga ekstremistët në Greqi, ashtu edhe nga ekstremistët në Shqipëri. "Disa faqe interneti dhe gazeta shqiptare u ngutën të ribotojnë një artikull të z. G. Kapllani, që kishte si argumentin e tij kryesor një nënkuptim fyes, ku thoshte se kryepeshkopi Anastas u interesua dhe shprehu ngushëllimet e tij vetëm për familjen Kaçifas dhe se u tregua indiferent për familjen e Petrit Zilfës, që u vra në mënyrë të padrejtë. Ky pohim është krejtësisht i pavërtetë! Kryepeshkopi Anastas ka ngushëlluar të dyja familjet. Ai i shprehu ngushëllimet e tij familjes Zilfa më 5 dhjetor 2018. Ata që e njohin se si është e vërteta, e dinë fare mirë se kryepeshkopi Anastas merr pjesë me respekt dhe dhembshuri në vuajtjen e njerëzve dhe përballet me ngjarjet, në heshtje dhe gjykim të thellë, pavarësisht kërcënimeve, që merr kohë pas kohe nga grupe ekstremiste të të dy vendeve. Qarqe të mirinfor- muara dhe objektive në Shqipëri dhe në Greqi, e njohin mirë faktin se për 27 vite, kryepeshkopi Anastas lufton për paqen, mirëkuptimin dhe respektin reciprok midis njerëzve dhe popujve", thuhet në reagim.
Kryepeshkopi Anastas merr pjesë me respekt dhe dhembshuri në vuajtjen e njerëzve dhe përballet me ngjarjet, në heshtje dhe gjykim të thellë, pavarësisht kërcënimeve që merr kohë pas kohe nga grupe ekstremiste të të dy vendeve