Brexit pranë pemës së Krishtlindjes
Dita e djeshme politike në Londër ka qenë si një lloj shfaqje teatri nga çmendina. Theresa May që në mëngjes vraponte nëpër televizione së bashku me ministrin Michale Gloën. Qëllimi ishte që të siguronte votat e mjaftueshme për projektin e saj për Brexit dhe që votimi të kalonte ashtu siç donte ajo.
Por vetëm gjysmë ore më vonë, May tha se votimi shtyhet, sepse ishte e vetëdijshme që do të përjetonte një humbje katastrofale në votim. Tani mbase do të dërgojë deputetët në festimet e Krishtlindjeve, së bashku me marrëveshjen e saj për Brexit. Urime festat!
SI NDONJË SKEÇ E gjitha kjo dëshmon se Kryeministrja britanike do t’i shfrytëzojë të gjitha mundësitë që i lejohen për t’ia arritur qëllimit. Ajo e ka lënë parlamentin të veprojë më me rezervë, me shpresën se gjatë Krishtlindjeve rreth tryezave festive me punch e gjel deti mund të shtohet frika nga një Brexit radikal dhe si rrjedhojë të zbutet rezistenca ndaj marrëveshjes që ajo ka arritur në Bruksel.
Theresa May ka shtyrë edhe më parë vendime të ndryshme gjatë negociatave për Brexit. Bisedimet në Bruksel janë shtyrë dhe kanë dështuar shpesh, sepse Londra kishte nevojë për konsultime brenda vetes. Në fund, të gjitha këto shtyrje kanë sjellë më shumë dëm sesa dobi për palën britanike.
Teatri i absurdit në Londër ka shkaktuar habi në Bruksel. Theresa May e ka humbur edhe atë pak kredibilitet që ka pasur në kryeqytetin europian. E gjitha kjo duket si ndonjë skeç i Monty Paytonit, ku marrëzia
shndërrohet në metodë. May sërish ka premtuar se në Parlament do të sjellë Brexitin më të mirë të mundshëm, por këtë nuk e beson askush më.
VENDIMI SHTYHET
Lojërat e Kryeministres në fund mund të dështojnë. Ajo tani kthehet në Bruksel për të kërkuar një strategji daljeje nga situata, në veçanti sa i përket kufirit mes Republikës së Irlandës dhe Irlandës së Veriut. Por ajo sërish do të përballet me rezistencë, madje edhe me mundësinë që dikush ta hedhë poshtë këtë marrëveshje prej 585 faqesh.
Ajo, më pas, në Londër, do të detyrohej të pranonte humbjen. May vërtet i ka bërë të gjitha për të arritur një Brexit me marrëveshje, por a do të mjaftojë kjo? Besohet se rezistenca dhe zemërimi do të shtohet.
Kryeministrja skoceze Nicola Sturgeon e ka quajtur aksionin e Therese May një burracakëri të pështirë. May e ka siguruar kështu pushtetin e konservatorëve. Por vendimi vetëm sa është shtyrë dhe nuk është anuluar përfundimisht. QËNDRIMI NË PUSHTET
Fatale për Theresa May është që po humbet kohë pa pasur një vendim përfundimtar për Brexitin. Apo ndoshta zgjidhja më e mirë për dalje nga ky qorrsokak është - referendumi i ri.
May po u shkon për shtat njerëzve në partinë e saj, por problemet mbeten. Mbi mirëqenien e vendit të saj, ajo ka vënë interesat e partisë dhe qëndrimin në pushtet. Ajo që Theresa May po tregon këtu, është vetëm interesimi për pushtetin e vet dhe shpalljen e kapitullimit politik. Teatër, që shihet me neveri dhe frikë.
* D. W.