Rama shkund universitetet: Rishikim të autonomisë
"Përgjigjuni kërkesave të studentëve. Mua do më keni protestues"
Kreu i qeverisë pranon vetëm një pjesë të shuplakës që i dhanë studentët përgjatë nëntë ditë protestash, por nuk ka lënë pa përgjegjësi titullarët e institucioneve të arsimit të lartë. Në një mbledhje urgjente me rektorë e dekanë, Rama u ka kërkuar t'u dalin ballë studentëve, pasi një pjesë të kërkesave të tyre u takojnë atyre në bazë të autonomisë që ua jep ligji i ri i arsimit të lartë. Në të kundërt, qeveria do të duhet ta rishikojë. "Respektoj autonominë tuaj me ligj. Por kjo protestë lidhet në radhë të parë me ju. Nëse ka ardhur dita që ju të fshiheni kur duhet t'i dilni përballë studentëve për disa çështje që kanë të bëjnë me universitetin dhe të mos merrni pjesë në marrjen e përgjegjësive kur është shumë e qartë, duhet ta rishikojmë autonominë universitare. Mbase ka qenë e parakohshme, mbase ka qenë e nxituar që ne të sanksiononim një autonomi që e bën drejtuesin e universitetit krejtësisht të pavarur dhe të paprekshëm nga qeveria". Kryeministria ka drejtuar gishtin e akuzës nga universitetet si shkaktarë të protestës, pasi këto të fundit janë ato që propozuan tarifën për provimet e mbartura dhe jo qeveria. Ndonëse e miratuar me firmën e tij, Rama e cilëson vendimin e shfuqizuar, tashmë, absurd, duke e paralelizuar me vendosjen e taksave pa informuar më parë grupin e interesit. Kreu i qeverisë nuk ka lënë jashtë Kreu i qeverisë nuk ka kursyer akuzat e drejtpërdrejta ndaj një prej rektorëve të pranishëm, Mynyr Konit. Sipas Ramës, ndonëse ka tre vjet që është miratuar ligji i ri, ky i fundit nuk e ka kuptuar ende atë, duke abuzuar me fondet e universitetit dhe mbajtur peng disa dekanate. "Rektori i Universitetit të Tiranës është një person i arratisur nga përgjegjësia, një person që akoma sot nuk është i vetëdijshëm që ka bllokuar disa dekanate, vetëm e vetëm për tendera. Harxhon 6 milionë euro për roje sigurie, ndërkohë që të gjitha institucionet harxhojnë 200 mijë euro dhe zero për kërkim shkencor". fajësimit edhe pedagogët, e jo vetëm ata që janë në protestë, ndërsa ka shigjetuar titullarët që kanë dhënë më shumë doktoratura seç duhet. "Sot, të gjithë thoshin, masiviteti i madh përpara Kryeministrisë, - ka më shumë doktorë e profesorë universiteti, sesa ka protestues para Kryeministrisë, që është një dramë". Lidhur me një tjetër kërkesë të studentëve, pjesëmarrjen në bordin e administrimit, Rama ua bëri me dije se do ta pranojë, por me kushtin e heqjes së një përfaqësuesi nga universiteti, pasi nuk mund ta lëshojë kontrollin mbi financat. Sakaq, Kryeministri u tërhoqi veshin titullarëve për abuzimet me fonde në një kohë që nuk ekzistojnë kushtet më minimale. "Protesta do të mbarojë një ditë, studentët do të kthehen prapë në gjendjen normale, kurse mua, sa të jem Kryeministër, do më keni protestues për çështjet e universitetit. Nëse mundësitë janë të kufizuara, të gjithë kuptojmë, por, nëse brenda mundësive të kufizuara, ti loz me tjetrin, askush nuk kupton. Por nëse nga 5 lekë, 4 lekë ti i çon për lumë, askush s'të merr vesh". Në fund të fjalës së tij, ai këmbënguli për dialog në mesin e të cilëve duhet të jenë edhe titullarët, të cilëve u kërkoi të bëjnë pjesën që u takon.