May në Bruksel për Brexit, Kurz: Britania mund të rikthehet në BE
Kryeministrja britanike, Theresa May, ka mbërritur në Bruksel për të marrë pjesë në samitin europian më të rëndësishëm të karrierës së saj, ku do të përpiqet të bindë liderët e BE- së që të garantojnë disa pika të paktit të Brexit, për ta shpëtuar atë. Udhëtimi i May në Bruksel bëhet një ditë pasi ajo i mbijetoi votës së mosbesimit brenda partisë konservatore, pasi garantoi se nuk do të udhëheqë partinë në zgjedhjet e vitit 2022. May u tha gazetarëve në Bruksel se ajo kishte rënë dakord të qëndronte përpara zgjedhjeve të 2022- shit në Mbretërinë e Bashkuar si një kusht për të fituar mbështetjen tani, për të kryer largimin e vendit nga Evropa Union. “Fokusi im tani është të sigurohem që mund të marr ato garanci për të cilat ne kemi nevojë për të miratuar këtë marrëveshje, sepse unë me të vërtetë besoj se është në interesin më të mirë të të dyja palëve, Mbretërisë e Bashkuar dhe BE- së, për të rënë dakord për një marrëveshje”. Liderët në BE e kanë deklaruar se nuk dëshirojnë të negociojnë më për një pakt tashmë të arritur, ndërsa May kërkon kryesisht garanci mbi kufirin doganor me Irlandë dhe nuk do të jetë gjithnjë e varur nga rregullat e BE- së në këtë zonë. Me përm- bajtjen aktuale, pakti i May për Brexit nuk miratohet nga ligjvënësit britanikë dhe Britania mund të gjendet në një situatë pa marrëveshje me BE- në, me zgjedhje të reja apo me një referendum të ri. Ndërkohë Kancelari austriak, Sebastian Kurz, vendi i të cilit mban presidencën aktuale të BE- së, tha mbi spekulimet për mbajtjen e një referendumi të ri në Britaninë e Madhe, se britanikët janë të mirëpritur nëse duan të qëndrojnë në BE dhe se kjo do të ishte fitore e madhe.