Tragjedi greke, Olimpiakos eliminon Milanin nga Europa
Penallti inekzistente, por Gatuzo tani është në rrezik shkarkimi
Në tokën e Perëndive, traditat respektohen. Milani në Greqi nuk ka fituar kurrë përveç finaleve të Champions- it, por ato nuk kanë qenë kundër ekipeve helene.
Dje, edhe njëherë kuqezinjtë "dhuruan" një mbrëmje të zezë, e cila kushton eliminimin nga Liga e Europës. Mjafton një humbje, me një gol diferencë, por Gatuzo dhe të tijtë djallosin gjithçka me Olimpiakosin që fiton 31 dhe kualifikohet në turin tjetër, falë golavarazhit në grup.
NISJA - Agimi i ndeshjes i kishte dhënë sinjalet për kuqezinjtë. Krosim i Sisesë, Guerrero sulmon thellësinë, por gabon sepse nuk sheh Reinan që ka dalë ti zërë rrugën. Milani reagon me Higuainin, që sheh Sanë t'i bllokojë goditjen. Edhe Kutrone ka shansin e tij.
Pjesa e dytë - Fraksioni i dytë nis me grekët që kanë liri, por Fetfasidhis nuk përfiton për t'i ndëshkuar. Në minutën e 60- të "Djalli" relaksohet më shumë sesa duhet. Kastijeho hutohet në goditje këndi, Fetfasidhis futet në zonë dhe nga goditja e tij "çel" një kros për Sise, të cilit i duhet vetëm të shtyjë topin në portë me kokë. Zapata i pafat në një sulm tjetër grek, kur devijon një goditje të destinuar në fundore. 2- 0 duket sikur fundos "Djallin", por Zapata rregullon situatën duke realizuar një gol, në dukje me peshë kualifikimi. MAKTH - Grekët nuk dorëzohen dhe vijojnë të sulmojnë me vrull, teksa Laksalt në vend të Kutrones është një përpjekje për të frenuar rit- min vendës. Nuk do të funksionojë kjo lëvizje, sepse 13 minuta nga fundi, arbitri Bastjë sheh një "përqafim" të Abates ndaj Torosidhisit. Më shumë se fiskal bilbili francez, por kapiten Fortunis nuk do t'ia dijë dhe dërgon në rrjetë topin që vlen kalimin e grupit për helenët. Golavarazhi ndëshkon kuqezinjtë, ashtu siç në Champions dënoi Interin. Në Greqi e dinë, nëse Athina qan, Sparta nuk është se qesh....