Korrupsioni me tenderët, pranga në Ministrinë e Drejtësisë
Nga shkelje të afateve te mosplotësimi i kritereve apo mbajtja e procesverbaleve, zbardhen problemet e konstatuara
Hetimi mbi pesë tenderë të Ministrisë së Drejtësisë, çoi në ndjekje penale 12 ish- zyrtarë të këtij institucioni, ndërsa 3 prej tyre janë prangosur, një është në "Arrest shtëpie" dhe 8 të tjerë "Detyrim paraqitje".
Prokuroria e Tiranës ka nisur hetimet pas kallëzimit të bërë nga Drejtoria e Inspektimit Financiar, që kishte konstatuar shkelje në respektimin e kontratave nga të dyja palët. Pas rreth disa muajsh hetim, akuza e kryeqytetit i kërkoi Gjykatës së Tiranës caktimin e masave të sigurisë për 12 prej tyre, ndërsa burime thonë se nën hetim janë edhe 14 zyrtarë të tjerë.
HETIMI
Burime nga organi i akuzës thanë dje se ndaj zyrtarëve dhe ish- zyrtarëve të Ministrisë së Drejtësisë kishte nisur prej muajsh një hetim. Ndërsa disa prej tyre ishin thirrur pak kohë më parë për t'u marrë në pyetje. Mësohet se njëri nga të arrestuarit, drejtori i Shërbimeve Ekonomike dhe Mbështetëse në këtë Ministri, Aurel Lamçe, që njëkohësisht ishte i komanduar edhe si Sekretar i Përgjithshëm, është shoqëruar mbrëmjen e së martës nga oficerët e Antikrimit Ekonomik. Ai ndodhej në një lokal në afërsi të Tregut Elektrik, kur u ndalua në zbatim të urdhrit të Prokurorisë. Sa i takon dy ish- ministrave, Ylli Manjani dhe Petrit Vasili, burimet thanë se nuk janë në hetim, por në proces verifikimi. Nëse do të lindë nevoja e dëshmive të tyre, ata mund të thirren për t'u marrë në pyetje. Por nga verifikimet që janë kryer deri tani, rezulton se asnjëri prej tyre nuk ka marrë pjesë në procedurat e tenderimit, pasi e kishin deleguar me firmë. Duke qenë se kontratat vijojnë të jenë në zbatim edhe aktualisht, organi i akuzës do të kryejë një verifikim edhe për ministren aktuale të drejtë- sisë, Etilda Gjonaj.
SHKELJET
Sipas të dhënave të siguruara nga "Panorama", për tenderin për përmirësimin e Regjistrit Noterial Shqiptar, mësohet se grupi i punës nuk dokumenton mbajtjen e procesverbaleve për hartimin e specifikimeve teknike për tenderin. Ndërsa përllogaritja e fondit limit nuk është bërë për projektin total, por janë copëtuar në dy fonde dhe më pas është bërë një bashkim i tyre mekanik, duke mbivendosur zëra shër- bimi. Kjo gjë, sipas hetimit ka rritur në mënyrë fiktive vlerën e fondit limit të prokuruar. Gjithashtu, mësohet se për këtë tender, kualifikimi i operatorëve ekonomikë është bërë në kundërshtim me ligjin, pasi njëri prej tyre, ka pasur detyrime ndaj degës së tatim- taksave. Ndërkohë, ligji parashikon se "Operatorët ekonomikë, për të marrë pjesë në procedurat e prokurimit, duhet të kualifikohen pasi të kenë përmbushur të gjitha kriteret që autoriteti kontraktor i vlerëson si të nevojshme". Gjithashtu, kësaj kontrate me vlerë 24 240 000 lekë i mungon "Marrëveshja Niveli Shërbimi- SLA", e cila është ofrimi i shërbimit të mirëmbajtjes dhe asistencës teknike autoritetit kontraktor nga kontraktuesi për mirëmbajtjen e sistemit të menaxhimit elektronik për një periudhë 24- mujore. Referuar të dhënave, kjo është në kundërshtim me përcaktimet e VKM- së nr. 710. Në lidhje me tenderin për "Sistemin e Monitorimit me kamera për burgun e Lezhës dhe FushëKrujës", është konstatuar se kryerja e shërbimit nga ana e kontraktorit zbatues është bërë jashtë afateve kohore të përcaktuara. Pra, nga verifikimet e kryera, konstatohet se nuk ka përputhje të afat- eve të ekzekutimit të kontratës midis afateve të vendosura në ofertën fituese me afatet e deklaruara. Ndërkohë që, në gusht të 2017- s, bazuar në një shkresë të Drejtorisë së Përgjithshme të Burgjeve, bëhet me dije se sistemet e monitorimit me kamera nuk mund të merreshin në dorëzim, pasi ende nuk kishin përfunduar instalimet dhe konfigurimet. PRINTED AND DISTRIBUTED BY PRESSREADER