Konferenca e Kryetarëve shtyn hetimet për “Tahirin”
Spaho: S’kemi për të zvarritur hetimet, për ta shpëtuar nga burgu
Konferenca e Kryetarëve nuk pranoi kërkesën e Partisë Demokratike për të ngritur menjëherë Komisionin Hetimor për të verifikuar ndikimin e përfaqësuesve të lartë shtetëror në trafikun e lëndëve narkotike. Në mbledhjen që u zhvillua dje me dyer të mbyllura, Partia Demokratike riparaqiti kërkesën për ngritjen e këtij komisioni, por që nuk u mirëprit nga maxhoranca. Burime nga mbledhja bëjnë me dije se në kërkesën e depozituar nga Partia Demokratike, ishte shtrirë më shumë në kohë periudha e hetimi, t duke e çuar atë deri në vitin 2018. Për këtë gjë, maxhoranca nuk votoi ngritjen e Komisionit, me argumentin se i duhet më shumë kohë për të parë kërkesën e demokratëve. Por pas përfundimit të mbledhjes së Konferencës së Kryetarëve, reagoi kryetari i Grupit Parlamentar të PD- së, Edmond Spaho. Nëpërmjet një deklarate për mediat, ai theksoi se max- horanca po pengon hetimin e ish- zyrtarëve të lartë përfshirë edhe ish- ministrin e Brendshëm, Saimir Tahiri. Sipas Spahos, këto janë manovra politike për të penguar zbardhjen e së vërtetës. “Partia Socialiste dhe Edi Rama kanë ndërtuar një skemë për të zvarritur hetimet ndaj Saimir Tahirit me shpresën për ta shpëtuar atë nga burgu dhe më pas edhe veten e tij. Sot, ushtarët e Edi Ramës, në Konferencën e Kryetarëve, refuzuan ngritjen pa vonesë të Komisionit Hetimor për Saimir Tahi- rin. Në përpjekje për ta zvarritur sërish të drejtën kushtetuese të opozitës për të kontrolluar qeverisjen, që në këtë rast është bashkëqeverisje me bandat, Partia Socialiste kërkoi kohë për t’u njohur me kërkesën tonë për komision hetimor. Pasi e bllokuan për gati një vit hetimin nga parlamenti të veprimeve të Saimir Tahirit dhe Edi Ramës për trafikun e drogës, duke mos na vënë në dispozicion asnjë dokument, kërkuan që të njihen me ndryshimet që ne kemi paraqitur në kërkesën për komision hetimor, megjithëse kërkesa është depozituar që në datën 1 shkurt 2019. Ndryshimet tona nuk janë thelbësore. Ato kanë të bëjnë: Me kohën e hetimit, që nga 6 muaj, bëhet 3 muaj; Me numrin e deputetëve që nga 9, bëhet 11; Me ngushtimin e kohës, për të cilën do të hetohet, nga e papërcaktuar, në 2014- 2018", deklaroi kryetari i Grupit Parlamentar të Partisë Demokratike, Edmond Spaho.