Roth pret Ruçin: Drejtësia, një nga reformat e suksesshme
Kryetari i Kuvendit dhe kreu i Grupit Parlamentar të PSsë, Taulant Balla, në vijim të vizitës së tyre zyrtare në Gjermani, u pritën nga ministri për Europën, Michael Roth. Ministri Roth cilësoi si një ndër reformat e ndërmarra të suksseshme atë të drejtësisë dhe vijoi në të njëjtën linjë me atë të Schauble, inkurajoi vazhdimin e proceseve integruese, ruajtjen e qëndrueshmërisë së tyre si dhe thellimin e reformave të tjera në vend. Palët diskutuan më tej edhe për intensifikimin e bashkëpunimit me fokus qershorin 2019. Nga ana e tij, ministri Roth vlerësoi arritjet e Reformës në Drejtësi, si një reformë e suksesshme dhe vlerësoi partneritetin e ngushtë midis dy vendeve në funksion të procesit të integrimit europian të Shqipërisë. "Qëndrimi i politikës së jashtme gjermane vazhdon të mbetet mbështetës për Shqipërinë në rrugëtimin e saj drejt integrimit në BE", tha Roth, duke vënë theksin te realizimi i reformave. Nga ana e tij, kreu i Kuvendit tha se hapja e negociatave është prioritet i çdo shqiptari. "Çelja e negociatave të anëtarësimit është beteja kryesore e Kuvendit, Qeverisë dhe gjithë qytetarëve shqiptarë, të cilët janë unanimisht në mbështetje të këtij procesi", nënvizoi kryetari i Kuvendit, duke shprehur bindjen se Gjermania do të vazhdojë të japë mbështetjen e saj, duke njohur e vlerësuar përparimin e Shqipërisë në arritjen e objektivave për çeljen e negociatave", tha Ruçi. Përmes një postimi, edhe kryetari i Grupit Parlamentar të PS- së, Taulant Balla u shpreh se gjatë takimit ministri gjerman e cilësoi të turpshëm mosliberalizimin e vizave në Kosovë. "Lidhur me rrugën europiane të Shqipërisë dhe të Ballkanit Perëndimor, ministri i Shtetit për Europën, z. Machel Roth, qëndron një mbështetës i fortë dhe i përkushtuar. Tani është koha për të hapur negociatat për anëtarësimin e Shqipërisë me BE- në. Ndërkohë, mbajtja e regjimit të vizave për Kosovën është një turp, deklaroi ministri Roth", shkruan Balla.