Pronat me 7501, Lame: Si do të ndahen tapitë
Drejtori i ALUIZNI- t lajmëron nisjen e regjistrimit të tokave bujqësore të ndara me ligjin 7501. Procedura e hipotekimit pas ligjit të Kadastrës
Drejtori i Përgjithshëm i ALUIZNI- t, Artan Lame, deklaroi dje se procesi i regjistrimit të tokave bujqësore të ndara me ligjin 7501 do të përfundojë njësoj siç po përfundon procesi i legalizimeve në Shqipërisë.
Gjatë një aktiviteti të zhvilluar dje në Njësinë Administrative Pezë të Tiranës, Lale theksoi se procesi i legalizimeve në këtë zonë ka përfunduar dhe tanimë do të nisë procedura e regjistrimit të AMTP- ve sipas ligjit të ri të Kadastrës. "Pas legalizimeve nis aksioni i madh i këtij mandati të Qeverisë, që është regjistrimi i tokave bujqësore, i AMTP- ve. Ky është aksioni i madh i radhës, që i kërkon njësisë vendore të impenjohet për të vazhduar procedurat, është aksion që kërkon legjislativin të impenjohet", theksoi Lame.
LIGJI Ligji i ri për Kadastrën parashikon ngritjen e një institucioni të vetëm, në të cilin do të shkrihet Zyra e Regjistrimit të Pasurive të Paluajtshme, Zyra e Regjistrimit të Pronave Shtetërore dhe Drejtoria e ALUIZNI- t. Pas këtij bashkimi institucional do të ngrihen zyrat e Kadastrës në zyrat aktuale ku janë ZVRPP, si edhe shtimi i numrit të tyre në të gjitha bashkitë e vendit. Ligji i ri për Kadastrën parashikon unifikimin e sistemit hartografik në Shqipëri, pra, ndërtimi i një harte të re, e cila parashikon të zgjidhë edhe procesin e mbivendosjes së pronave. Krahas kësaj, Kadastra e re, në zbatim të akteve ligjore parashikon edhe pro- cedurën që ndiqet për kalimin në pronësi të AMTP- ve pa shpërblim. Neni 12 i ligjit, "Për përfundimin e proceseve kalimtare të pronësisë" parashikon se: "Kalimi në pronësi i tokës bujqësore bëhet nga ASHK- ja, sipas listës së përdoruesve të tokës, të miratuar me vendim të Këshillit Bashkiak; Njësitë e vetëqeverisjes vendore, brenda 6 muajve, nga hyrja në fuqi e ligjit, përcjellin pranë ASHK- së kërkesat për kalimin në pronësi të tokës bujqësore, të administruara sipas ligjeve e hyrjes në fuqi të këtij ligji; Agjencia Shtetërore e Kadastrës saktëson sipërfaqen për kalim pronësie sipas nenit 11, me prezencën e përfaqësuesit të administratës së njësisë së vetëqeverisjes vendore dhe verifikon plotësimin e kushteve për kalimin në pronësisë, pa shpërblim, të tokës bujqësore. Pas procesit të verifikimit, ASHK- ja harton listën e përdoruesve faktikë të tokës bujqësore për çdo fshat, të cilën ia paraqet për miratim Këshillit Bashkiak; Nëse Këshilli Bashkiak vendos rrëzimin e projektvendimit, ASHK korrigjon përmbajtjen e listës sipas vërejtjeve të arsyetuara të Këshillit Bashkiak dhe më pas ia riparaqet atij për miratim; Pas miratimit të listës së përdoruesve faktik të tokës në një nga mënyrat e parashikuara sipas këtij neni, ASHK plotëson aktet individuale të kalimit në pronësi në favor të përfituesve".