AMF, rrëzohen emrat e propozuar nga kompanitë
Kandidaturat e skualifikuara, nuk plotësonin kriteret
Një javë pas përfundimit të seancës dëgjimore në Komisionin e Ekonomisë për katër kandidaturat e kryetarit të bordit të AMF- së, mësohet se tre prej tyre janë skualifikuar.
Më herët, Komisioni i Ekonomisë zhvilloi seancën dëgjimore me kandidatët për kryetar të Bordit të Autoritetit të Mbikëqyrjes Financiare, Pajtim Melanin, Bilal Kola, Ardit Çollakun dhe Olsi Çokun. Komisioni i Ekonomisë ende nuk ka shpallur zyrtarisht vendimin për plotësimin e kritereve ligjore të kandidatëve, por burime për gazetën thanë se tre prej kandidaturave janë skualifikuar. Në garën për kryetarin e Bordit të Autoritetit të Mbikëqyrjes Financiare mësohet se nga kompanitë që janë subjekt i kontrolleve nga AMF, ka pasur shumë ndërhyrje dhe presione pranë Komisionit të Ekonomisë. Por ky i fundit nuk ka marrë parasysh ndërhyrjet, duke pasur fokus të punës së tij vlerësimin e CV- ve të kandidatëve dhe plotësimin e kritereve ligjore. Po ashtu, burimet sqaru- an se nga vlerësimi ligjor i Departamentit të Monitorimit të institucioneve të pavarura në Kuvend rezultoi se vetëm kandidati Pajtim Melani plotëson kriteret ligjore, ndërkohë që janë skualifikuar tre kandidatët Bilal Kola, Ardit Çollaku dhe Olsi Çoku. Ky i fundit kishte garuar edhe për pozicionin e zv. drejtorit të AMF- së, po gjithashtu ishte skualifikuar për mosplotësim kriteresh nga Ministria e Financave, e cila konfirmoi Mimoza Kaçin në këtë pozicion. Ligji “Për Autoritetin e Mbikëqyrjes Financiare MF” parashikon se nuk mund të jenë anëtarë të Bordit të Autoritetit persona, të cilët: në tre vitet e fundit kanë qenë ortakë, aksionarë, apo anëtarë të organeve drejtuese të sub- jekteve të mbikëqyrura; kanë lidhje familjare me personat e parashikuar në shkronjën “a” të këtij paragrafi; në tre vitet e fundit kanë qenë punonjës me kohë të pjesshme apo të plotë në subjektet e mbikëqyrura. Pas votimit nga Komisioni i Ekonomisë kandidatura për kryetar të Bordit i kalon Kuvendit në seancë plenare.