Veliaj me ambasadorin e Katarit: Bashkëpunim në fushën arsimore
Kryeqyteti do të festojë çdo 12 shkurt Ditën e Sportit. Kjo është iniciuar nga Bashkia e Tiranës, në respekt të përfaqësisë së Katarit në Shqipëri, e cila feston Ditën Kombëtare të Sportit, duke i shprehur në këtë mënyrë edhe falënderimin për kontributin e saj në vendin tonë. Këtë e bëri me dije kryetari i bashkisë, Erion Veliaj, duke shtuar se kjo do të forcojë më tej marrëdhëniet midis Tiranës dhe Dohas. "Ka ardhur koha që edhe ne në Tiranë të kemi një ditë sportive. Dua të falënderoj të gjithë miqtë që kanë bashkëpunuar me ne sot, t'u uroj të gjithëve një fillim të mbarë të një tradite të bukur, që është Dita e Sportit, edhe në Tiranë, që duam ta bëjmë çdo 12 shkurt me ambasadën dhe miqtë e sportit në qytetin tonë. Mezi pres që edhe marrëdhëniet midis Tiranës dhe Dohas të forcohen më shumë", deklaroi kryebashkiaku dje nga Parku Olimpik "Feti Borova", duke dhënë edhe lajmin e mirë për in- vestimin e Katarit për përmirësimin e infrastrukturës së 2- 3 shkollave në kryeqytet. "Bashkë më ambasadën e Katarit kemi marrë përsipër të rregullojmë 2- 3 shkolla në Tiranë, t'i sjellim në një nivel shumë më të lartë modernizimi. Shkolla e parë do jetë ' Jeronim De Rada', ku për herë të parë po u kushtojmë rëndësi jo vetëm klasave, por edhe vendeve ku luajmë, ku merremi me sport, ku kemi aktivitete fizike", nën- vizoi Veliaj, duke shprehur mirënjohjen për Fondacionin e Katarit, që merret jo vetëm me bamirësi, por edhe me kurse edukuese, trajnimi, gjuhë të huaja, kompjuterë dhe tani më në fund, edhe në sport. Ndërsa ambasadori i Katarit në Shqipëri, Ali bin Hamad Al- Marri, foli për rëndësinë e sportit dhe shprehu falënderimet e rastit për organizimin e aktiviteteve me rastin e kësaj dite.