Paloka i hedh bojë në fytyrë Ramës në Kuvend, Policia refuzon PD për rrethimin e Kryeministrisë
Kryeministri për akuzat: Nuk kam asnjë kompleks që më sulmon “Zëri i Amerikës”, kronikat e “Zërit të Amerikës” nuk janë Amerika
Kryeministri Rama tha dje se Policia e Shtetit do të zbatojë ligjin në lidhje me protestën e së shtunës, ndërsa po ashtu dhe qytetarët nuk duhet të shkelin ligjin.
I ftuar në “Real Story” me gazetarin Sokol Balla, kreu i qeverisë tha se do të jetë në Vlorë të shtunën, ditën e protestës së opozitës. I pyetur për akuzat që ka bërë ndaj “Zërit të Amerikës”, kreu i qeverisë u shpreh se kronikat e “VOA”- s jo gjithmonë përfaqësojnë Amerikën.
Ka pasur thirrje nga kreu i opozitës, zoti Basha, për marrjen e fateve të protestës nga ana e qytetarëve. Si i përktheni këto thirrje?
U bënë 5 vjet e gjysmë që kemi përballë një opozitë, e cila nuk arrin të artikulojë asnjë alternativë dhe të tërheqë njerëzit përmes një oferte politike. Ne kemi pasur një qasje shumë më reflektuese për të përmirësuar veten si në pushtet, ashtu dhe në opozitë. E keqja e opozitës është se ajo është në katër duar të paafta, Lulzimit nga njëra anë dhe të doktoreshës nga ana tjetër. Raporti i publikut është me qeverinë, ndërsa raporti i publikut me opozitën është i një qenieje që as merr dhe as jep. Në këndvështrimin tim, jemi përpara një force njerëzish të dëshpëruar që nuk i fitojnë dot zgjedhjet me votë dhe kërkojnë një rrugë alternative për të marrë pushtetin. Keni informacion se mund të ketë dhunë gjatë protestës? Policia në deklaratën e saj përmendi individë të inkriminuar?
Nuk jam vërtet i interesuar në këtë aspekt, besoj se Policia i ka të gjithë kapacitetet për të bërë punën e vet, është përgjegjësi e Policisë, nuk më takon mua dhe, sinqerisht, nuk më bëjnë asnjë lloj impresioni këto lloj kërcënimesh dhe paralajmërimesh, dhe protestash, të cilat, sa herë i ka organizuar opozita, nuk kanë pasur asgjë më shumë administratat e bashkive dhe grupe të vogla që i bashkëngjiten atyre. Bashkia e Lezhës paguan 1200 persona të punësuar, imagjinoni që çfarë bashkie është ajo e Lezhës. Në fund të ditës, këto janë protesta kastash që nuk kanë asnjë shans të kenë sukses. Si do të reagojë qeveria nëse ka dhunë? Qeveria nuk reagon, reagon Policia e Shtetit. Nuk është detyrë e qeverisë të administrojë një protestë. Mendoni se Policia e Shtetit duhet të lejojë protestuesit që të hyjnë në Kryeministri?
Unë nuk mendoj asgjë, unë di që ka një ligj dhe Policia e Shtetit duhet të zbatojë ligjin ashtu sikurse protestuesit duhet të zbatojnë ligjin. Ju keni sulmuar “Zërin e Amerikës” për përgjimet që ata kanë publikuar. Përse ky qëndrim?
E para, si mundet “Zëri i Amerikës” që të bëhet zëdhënës i medias në Shqipëri. Nuk kam asnjë kompleks që më sulmon “Zëri i Amerikës”, kronikat e “Zërit të Amerikës” nuk janë Amerika. Të dyja herët i ka bërë këto lajme nga gazetarë shqiptarë. Le të jetë dhe “CNN”, kushdo qoftë. Herën e parë bënë një goditje skandaloze për punësimet në burgje. Ministrja e Drejtësisë iu vuri në dispozicion mijëra faqe të dokumentuara. Nuk janë fakte, janë muhabete telefonash që mund të ngatërrosh gjithë dynjanë. Nuk mund të ngresh akuza për askënd, duke u bazuar në muhabete telefonash.
Në 21 janar, Kryeministria u cilësua si objekt i rëndësisë së veçantë, Policia duhet ta cilësojë si në 21 janar apo duhet të lejojë protestuesit që të hyjnë?
Në 21 janar nuk ka pasur asnjë tentativë për të hyrë në Kryeministri apo për të sulmuar Kryeministrinë. Në 21 janar, Kryeministria ka qenë e rrethuar me kangjella, dhe protestuesit u ndalën para kangjellave. Në 21 janar janë vrarë protestues kur protesta po shpërndahej. Në 21 janar u provokua turma pa filluar mirë protesta nga ata që sot thonë se përfaqësojnë popullin, por në fakt ata përfaqësojnë një pakicë e cila nuk bëhet dot shumicë dhe alternativë. A mund të ketë forca të huaja që mund t’u interesojnë skenarët e destabilizimit?
Asnjë forcë e huaj jodashamirëse ndaj Shqipërisë, madje asnjë armik nëse mund të flasim për kategorinë më kundërshtare, nuk mund t’ia bënte sot Shqipërisë atë që organizuan sot këta, atë që bëri sot një palo shqiptar me atë shiringën me bojë, pasi një palo kryetar opozite shkatërroi gjithë solemnitetin e një seance ku ishim mbledhur për të votuar unanimisht aderimin e Maqedonisë së Veriut në NATO dhe për të nderuar mikun që kishte ardhur nga Shkupi. Asnjë armik i shqiptarëve nuk do të mund ta organizonte dot këtë kaq efikase, duke bërë që një imazh kaq katran me bojë të shpërndahet në të gjitha ekranet brenda dhe jashtë vendit. Kështu që forcat e interesuara jashtë nuk mund t’i bëjnë vendit tonë atë që mund të bëjnë këta që janë brenda. A mund të shfrytëzohen këta që janë brenda nga ata që janë jashtë, kjo nuk do as mend e as kalem. Por kjo është një opozitë kaq e dobët dhe pa kredibilitet se mund ta besojë ndokush se mund të vijë ndonjëherë në pushtet në këtë gjendje, sa do t’i besonte ndonjë shumë më serioz se këta. Në 14 shtator 1998, ju jeni larguar nga godina e qeverisë pak para hyrjes së protestuesve, ku do të jeni ditën e shtunë?
Kjo nuk ka asnjë lidhje. Në shtator 1998 ne kemi qenë aty kur kanë ardhur dhe kanë sulmuar Kryeministrinë e më pas jemi larguar. Ndërsa sot që flasim, unë jam Kryeministër dhe Kryeministria nuk është kulla e fisit tim dhe nuk e shoh si një kala, që një tribu do vijë që ta marrë dhe unë duhet të rri brenda ta mbroj. Ndërkohë që unë të shtunave nuk shkoj në Kryeministri asnjëherë, përgjithësisht shkoj në territor dhe do të jem në një nga stacionet e ciklit të takimeve publike dhe do jem në Vlorë. Historia që rri aty dhe na prit, tregon se opozita jeton në mesjetën e liderit të vet legjendar, i cili është sot e gjithë ditën fryma, shpirti dhe zemra e asaj opozite. Kjo është protesta më e personalizuar, opozita kërkon kokën
Është e njëjta metodë dhe qasje, e njëjta strategji e një komunisti që ndërroi fe dhe u bë antikomunist, por mbeti aty ku e mësoi partia e tij mëmë, që mos u merr me mesazhin, merru me mesazherin. Kështu ka bërë me të gjithë kryeministrat dhe kundërshtarët e tij. Në rastin konkret është dhe problemi se i ka dalë një kockë shumë e fortë përpara, që jam unë dhe që nuk e bluan dot dhe përpiqet që të përqendrojë të gjitha forcat për të krijuar sa më shumë dekurajim. Mua më shtojnë vetëm bindjen dhe besimin se jemi duke u bërë një shërbim të madh vendit dhe njerëzve që më kanë besuar. A do ta pyesni zotin Berisha dhe për familjen e tij? Po, sapo të më jepet rasti, nëse vajza, djali, dhëndri e nusja e kalojnë dot oqeanin apo jo. Ju do të shikoni mundësinë e një zgjidhjeje politike apo do t’u besoni sondazheve tuaja?
Unë nuk u besoj sondazheve, por jam në krye të një shumice që ka një kontratë me popullin shqiptar dhe kjo kontratë mund të rishikohet vetëm nëse ka ndryshim të ekuilibrave në Parlament apo kur i vjen dita popullit shqiptar për të gjykuar. Të tjerat janë ëndrra dhe këta shikojnë këtu një ëndërr që të bëjnë këtu atë që ndodhi në Maqedoni, se e thonë dhe e ëndërrojnë. Këtë e kanë thënë vetë, është një ëndërr e bazuar në një dëshirë të papërmbajtshme për të marrë pushtetin, por që nuk kanë shanse t’ua japin shqiptarë dhe nuk arrijnë të kuptojnë dot atë që ndodhi në Maqedoni. Të shtunën nuk proteston Shqipëria, por kasta që përfaqëson një pakicë, por që nuk ka asnjë të drejtë të kërkojë më shumë atë që i kanë dhënë shqiptarët, detyrën për të bërë opozitë dhe në këtë rrugë ata do të ndëshkohen më shumë në zgjedhjet e ardhshme më shumë se u ndëshkuan në zgjedhjet paraardhëse. Ilir Meta në një intervistë nga Uashingtoni akuzoi maxhorancën me terma të padëgjuar më parë. Keni një qëndrim?
Fatkeqësisht, nuk ka asnjë surprizë nga Ilir Meta, i cili nuk e mbajti dot peshën e përgjegjësisë së njeriut mbi palët, është thjesht partia e tretë e opozitës. Nuk e kam menduar që Ilir Meta të ishte kaq i lehtë, kaq i papeshë për të qenë mbi palët dhe babai i kombit. Ai na bëri të mendojmë se i paskemi rënë në qafë më kot Bujar Nishanit, se më keq se ai nuk kishte. Ilir Meta i ka kapacitetet, por nuk qëndroi dot mbi palët. Mos harrojmë që Ilir Meta është Presidenti që doli dhe i bëri thirrje popullit që të marrë armët kur i doli vetja nga kontrolli. Ai është, nuk kemi çfarë i bëjmë. Sot nuk kemi një President, kemi një partiak në zyrën e Presidentit. Çfarë ka ndodhur me Ilir Metën?
Asnjëherë nuk e kam kuptuar se çfarë duhet të bëjë më Shqipëria dhe populli shqiptar që Ilir Meta të mos shikojë ëndrra me armiq apo ëndrra me një pushtet më të madh nga ai që ka. Është i vetmi njeri në Shqipëri që shqiptarët, rrethanat e bënë Kryeministër, e bënë kryetar Kuvendi dhe e bënë President. Çfarë duhet të bëjë më shumë ky vend për Ilir Metën që të mos jetë i detyruar të durojë herë pas here re’ në pantallonat e Ilir Metës, unë këtë nuk e kuptoj.
Ndërsa sot që flasim, unë jam Kryeministër dhe Kryeministria nuk është kulla e fisit tim dhe nuk e shoh si një kala, që një tribu do vijë që ta marrë dhe unë duhet të rri brenda ta mbroj. Ndërkohë që unë të shtunave nuk shkoj në Kryeministri asnjëherë, përgjithësisht shkoj në territor dhe do të jem në një nga stacionet e ciklit të takimeve publike dhe do jem në Vlorë