Shtohen tensionet, Thaçi: Taksa, një incident politik

Haradinaj: Presidenti s’është zëdhënës i SHBA, ata e dinë ç’kërkojmë

Tensionet në Kosovë mes Presidentit Hashim Thaçi dhe Kryeministrit Ramush Haradinaj janë rritur sërish, pasi ky i fundit nuk e ka pritur mirë intervistën e Thaçit në televizionin publik të Kosovës, ku kritikoi Kryeministrin për qëndrimin ndaj taksës.

Takimi i së enjtes mes liderëve të institucioneve të Kosovës ka kaluar në tensione. Në një periudhë të tillë, ku Qeveria ndodhet nën presion të madh ndërkombëtar për të hequr një vendim, i cili është efikas kundër Serbisë, si masë ndëshkuese për politikat e saj armiqësore karshi Kosovës dhe përpjekjeve të saj për t’u integruar në institucione ndërkombëtare, krerët shtetërorë po takohen disa herë brenda një dite. Mëngjesin e së enjtes, në zyrën e kryeparlamentarit Kadri Veseli kanë shkuar Presidenti Hashim Thaçi dhe Kryeministri Ramush Haradinaj, si dhe zëvendëskryeministri Fatmir Limaj. Sipas mediave në Kosovë, takimi ka kaluar me tensione për shkak të deklaratave të Thaçit. Presidenti e ka goditur shefin e ekzekutivit në lidhje me refuzimin e tij që të hiqet taksa ndaj Serbisë, madje e ka quajtur tarifën si një “incident politik”. Në intervistën për RTK- në, Presidenti përmendi shkarkimin e Haradinajt pasi, sipas tij, ky po i prish raportet me Shtetet e Bashkuara të Amerikës. Janë qëndrimet e korrigjimit të kufijve me Serbinë e tani edhe qëndrimi për taksën ndaj produkteve serbe, që po përplasin Presidentin Thaçi me Kryeministrin Haradinaj prej disa muajsh. Kryeministri Haradinaj tha pas takimit se Presidenti nuk është zëdhënës i SHBAve. “As Presidenti, askush tjetër nuk është zëdhënës i vendimin e tij thotë se do ta mbrojë deri kur Serbia të njohë pavarësinë e Kosovës. “Atëherë mund të nënshkruajmë edhe një marrëveshje të tregtisë së lirë”, i ka thënë ai Komisionerit europian të Zgjerimit dhe Fqinjësisë së Mirë, Johannes Hahn, i cili po ashtu kërkoi nga Haradinaj heqjen e taksës për të vazhduar dialogun dhe për të përmirësuar marrëdhëniet me Serbinë. Presidenti dhe Kryeministri janë përplasur gjatë ditës së enjte edhe mbi një çështje tjetër, hyrjen e FSKsë në Veri, ku Thaçi mbrojti qëndrimin e Sekretarit të Përgjithshëm të NATO- s dhe premtoi se FSK- ja nuk do të shkojë në zonën që kontrollon KFOR, përkundër deklaratës së Haradinajt një ditë më parë, se nuk ka Kosovë të Veriut apo të Jugut, por vetëm një Kosovë dhe FSK do të shkojë në të gjithë territorin e saj.