Legalizimet, 500 emrat që kanë gati tapinë në Tiranë
Hipoteka publikon listën e qytetarëve që duhet të aplikojnë
Zbardhen përfituesit e rinj të legalizimeve në Tiranë. Familjet që kanë gati tapitë dhe afatet e aplikimit. ALUIZNI: Mbyllim 10 mijë parcela
Janë 500 familje në kryeqytetet, që kanë gati certifikatën e pronësisë. Zyra e Regjistrimit të Pasurive të Paluajtshme Tiranë ka publikuar dje emrat e qytetarëve, që duhet të paraqiten në sportelet e këtij institucioni për të nisur praktikën e regjistrimit të parcelës ndërtimore që kanë në posedim.
"Zyra Vendore e Regjistrimit të Pasurive Tiranë publikon sot listën me emrat e qytetarëve, që duhet të paraqiten pranë sporteleve të ZVRPP Tiranë, për të aplikuar për certifikatë pronësie, bazuar në lejet e le- galizimit", thuhet në njoftimin e Hipotekës. Në sirtarët e këtij institucioni janë rreth 10 mijë familje, për të cilat kanë përfunduar procedurat e legalizimit, por nuk është bërë ende regjistrimi. Sipas kryeregjistruesit Vald- rin Pjetri, këto praktika të mbartura pritet të përmbyllen brenda 6- mujorit të parë të këtij viti. "Qëllimi ynë për vitin 2019 është edhe përfundimi i regjistrimit për lejet e legalizimit. Në Zyrën e Tiranës rezultojnë të jenë rreth 10 mijë legalizimi akoma të paregjistruara. Në vitin 2018 ky stok ishte rreth 20 mijë leje, nga të cilat 10 mijë u certifikuan vitin e kaluar. Synimi ynë është që deri në qershor të 2019- s të kemi përmbyllur regjistrimin e çdo leje legalizimi", tha Pjetri pak ditë më parë. Në harkun e pak ditëve, Zyra e Regjistrimit të Pasurive të Paluajtshme ka publikuar edhe listën emërore me familjet, të cilat nuk janë pajisur me certifikatën e pronë- sisë, pavarësisht se e kanë marrë lejen nga ALUIZNI. Me ngritjen e Agjencisë Shtetërore të Kadastrës, këto praktika do të mund të kryhen brenda një kohe të shkurtër, duke iu kursyer mundin qytetarëve.