Federica Mogherini: Të hapen negociatat
"Gabim i madh nëse nuk hapen me Shqipërinë e Maqedoninë"
PROJEKTE
vendosi të financojë BE për pesë vendet e rajonit të Ballkanit në Samitin e Poznanit në Poloni, projekte që kishin të bënin kryesisht më interkonjeksione energjetike dhe rrugore
MILIONË
euro, ishte buxheti i akorduar në formë grantesh të pakthyeshme për vendet e Ballkanit Perëndimor në vijim të Procesit të Berlinit, gjatë samitit të Poznanit, ku Shqipëria nuk pati asnjë projekt
Federica Mogherini e quan gabim të madh nëse BE nuk merr vendim për hapjen e negociatave të anëtarësimit me Shqipërinë dhe Maqedoninë e Veriut. Shefja e diplomacisë europiane i bëri komentet nga Polonia, ku u mbajt samiti për Ballkanin Perëndimor. Duke folur për arritjet e samitit në Poznan të Polonisë, Mogherini tha se "para së gjithash, kemi zotime të përsëritura nga të gjithë anëtarët e Procesit të Berlinit për Ballkanin Perëndimor. Këto kanë të bëjnë me bashkëpunimin ekonomik, me investimet, lidhjet digjitale, transportin. Ekzistojnë, para së gjithash, shumë investime ekonomike, por edhe vullnet politik për projekte konkrete, në të mirë të njerëzve", tha Mogherini. Shefja e diplomacisë europiane hodhi poshtë idenë se financimet janë një përgjigje për frenimin e zgjerimit të BE- së drejt Ballkanit Perëndimor. "Por, më lejoni të nënvizoj se kjo nuk është zëvendësim për zgjerimin. Vendet e rajonit duhet të dinë se e ardhmja e tyre mund të jetë në Bashkimin Europian, nëse procesi shkon mirë. Nëse vendet anëtare të Bashkimit Europian nuk marrin vendim, sidomos për hapjen e negociatave ( të anëtarësimit) me Shqipërinë dhe Maqedoninë e Veriut në tetor, mendoj se do të ishte gabim i madh", u shpreh Mogherini për Radion "Europa e Lirë". Gjatë vizitë së saj në Tiranë, zonja Mogherini vlerësoi arritjet e Shqipërisë në kuadër të rekomandimeve për hapjen e negociatave me BE- në. Ajo vlerësoi si shembull që duhet ta ndjekin edhe vende anëtare të Bashkimit Europian, reduktimin drastik të kultivimit të kanabisit, dhe goditjen e bandave dhe krimit. "Ajo që është arritur tashmë me Reformën në Drejtësi mbetet e paprecedentë, jo vetëm në këtë rajon. Ju shpesh ua thoni këtë kolegëve tanë në BE dhe unë jam tërësisht dakord me këtë, ju keni arritur që të keni një reformë në sistemin e drejtësisë, e cila do të ishte shembull edhe për disa nga shtetet anëtare të BE- së, në një proces, i cili nuk ka qenë aspak i lehë, por që ka filluar tashmë të tregojë rezultatet", tha Mogherini. Sipas saj, lufta kundër krimit të organizuar është dhe përgjegjësi e BE- së. "Së dyti, dëshiroj të përmend këtu edhe uljen drastike të kultivimit të kanabisit. Natyrisht që vëzhgimet ajrore të kryera nga Italia me mbështetjen e BEsë dhe me angazhimin e plotë të autoriteteve shqiptare për çrrënjosjen e këtij fenomeni po sjellin rezultate mbresëlënëse", tha shefja për Politikën e Jashtme në BE, Mogherini, gjatë vizitës së saj në Tiranë.