Kryemadhi: Shkarkimi i Metës destabilizon Ballkanin
"Ishte fjalimi i një Ilir Mete, që ka gjithë ar gumentet për të të shkatërruar, është me të drejtën e tij"
Kryetarja e LSI- së, Monika Kryemadhi, tha dje se Kryeministri Rama po përsërit gabimet e Sali Berishës në 1997 kur tentoi të merrte të gjitha pushtetet në duart e tij.
Në emisionin "Kjo javë" në "News 24" me Nisida Tufën, Kryemadhi tha se dorëheqja e Presidentit do t'i shërbente më shumë Kryeministrit Rama. "Çdo dorëheqje e Metës do i jepte argument Ramës të thotë, iku vetë. Sa për shkarkimin, më vjen keq ta them, por Rama do bëhej si Berisha në 1997- n, që i mori të gjitha pushtetet. Shkarkimi i Ilir Metës, për mua, do të faktonte përfundimisht, rënien e të gjithë institucioneve në dorë të një njeriu, që do mbahet mend në shekullit të XXI me një psikopat të droguar. Rënia e institucionit të Presidentit do të thotë të destabilizosh Rajonin e Ballkanin. Destabilizon vendin më proeuropian në rajon" u shpreh Kryemadhi. Ajo shprehu qëndrimin e saj lidhur me ashpërsinë e fjalimit të Presidentit Meta ndaj ndërkombëtarëve dhe maxhorancës. "Artikulimi me atë gjuhë, me atë ritëm dhe me atë intonacion do të thotë që ke bërë diçka shumë të madhe gabim, apo kur të ka dhënë të gjitha mundësitë dhe nuk e ke shfrytëzuar, s'ka kthim pas. Është fjalimi i një Ilir Mete, që ka gjithë argumentet për të të shkatërruar. E di shumë mirë çdo të thotë kur është Ilir Meta në vështirësi. Me Ilir Metën kemi qenë gjithnjë bashkë në politikë, nuk kemi ndarë pushtetin bashkë. Edhe kur ka qenë Kryeministër i jam vendosur përballë, për t'i pastruar ekranin. Sepse me njerëzit e pushtetit, izolohesh siç është izoluar sot Edi Rama. Ajo që Iliri thotë në këtë pozicion është, që nuk është çështja që ka popullin me vete, ka të drejtën e kush ka të drejtën ka edhe popullin. Ilir Meta përballë ligjit, institucionit, pavarësisht se ç'dëgjojmë lart e poshtë, serbët do e kryqëzonin të parët Ilir Metën, por di të them që Ilir Meta përballë ligjit nuk njeh as fëmijë. Për mua është budallallëk, se para fëmijëve të mi unë s'njoh as Ilir Metën", u shpreh Kryemadhi. NDËRKOMBËTARËT Kryetarja e LSI- së ishte kritike ndaj ndërkombëtarëve për qëndrimin e tyre ndaj shkeljes së Kushtetutës në Shqipëri. Ajo u shpreh se ndërkombëtarët nuk mund të dalin kundër Kushtetutës së Shqipërisë, e cila është shtet sovran dhe nuk mund t'i përdhoset Kushtetuta. "Asnjë ndërkombëtar nuk e ka përshëndetur, më gjej një ndërkombëtar që e ka përshëndetur. Tani ka një problem tjetër me ndërkombëtarët. Shqipëria është një vend sovran dhe nuk ka asnjë institucion ndërkombëtar, një ambasador apo ambasadë ndërkombëtare që të dalë mbi Kushtetutën e Shqipërisë. Në çdo gjykatë ndërkombëtare, dhe në gjykatat e vendeve të tyre po të shkojmë, le të guxojnë në Amerikë të dalin kundër dekretit të Presidentit Trump. Le të guxojnë në Gjermani të dalin kundër dekretit të Presidentit të tyre", tha Kryemadhi. Ajo shtoi se opozita dëshiron që të ndërgjegjësojë ndërkombëtarët se kush është Edi Rama dhe se kë po mbështesin. "Të gjitha hapat e opozitës kanë qenë të kujdesshme dhe konspirative. Sot shoqëria civile dhe mediat janë të kapura nga Edi Rama. Ju vetë keni bërë pyetje që i kanë vënë në vështirësi Rama dhe të tijtë. A e dini ju se Veliaj paguan njerëz në media për PR, Rama ka "Facebook"istët e vet. Ne kemi strategji. Strategjia jonë sot nuk është 13 tetori, pasi do edhe 3 muaj. Ne duam që ndërkombëtarët të kuptojnë se kush është Edi Rama. Ne dalim për të kuptuar ndërkombëtarët dhe shqiptarët se kush është Rama", tha Kryemadhi. E pyetur nëse mendon për dorëheqjen nga LSI, Kryemadhi tha se ka gati projektin për hapjen e partisë. "Në LSI nuk do jem e përjetshme, po nuk e mendoj dorëheqjen së afërmi, madje kam menduar një proces zgjedhor me parimin ' një anëtar një votë' me një anëtarësi të organizuar, dhe
"Të gjitha hapat e opozitës kanë qenë të kujdesshme dhe konspirative. Sot shoqëria civile dhe mediat janë të kapura nga Edi Rama. Ju vetë keni bërë pyetje që i kanë vënë në vështirësi Ramën dhe të tijtë
përveçse do kërkoj mandatin, do kërkoj ndryshim të gjerave në LSI sa i përket sfidave, mendimit etj.. LSI tashmë është një parti e konsoliduar", tha Kryemadhi.