Precedenti/ Para 10 ditësh u prangos polici

Oficerët e Komisariatit nr. 2 të Tiranës kishin arritur të siguronin informacione për personat që ushtronin këtë aktivitet dhe kanë pritur momentin për t'i kapur në flagrancë, në orët e vona të së premtes, kur ata nisnin shpërndarjen. Një automjet tip "Mercedez Benz", me të cilën ata lëviznin në rrugicat e ish- Bllokut, është mbajtur në vëzhgim, derisa ka ndaluar në rrugën "Brigada e 8", ku më pas është bërë ndërhyrja e Policisë. Burimet thanë se nga kontrolli i makinës, në vendin ku është i vendosur kasetofoni, ishte krijuar një hapësirë që përdorej për të fshehur drogën. Aty u zbulua një qese brenda së cilës kishte 43 doza kokainë, të paketuara gati për shitje. Shërbimet e Komisariatit nr. 2 bënë ndalimin e menjëhershëm të shtetasve, Redon Molla, Adrian Myrto dhe Ermal Peti. Ndërsa lajmëruan shërbimet e Antidrogës, të

Një agjent krimesh i Komisariatit nr. 2 të Tiranës është arrestuar më 26 qershor nga Shërbimi për Çështjet e Brendshme dhe Ankesat, pasi dyshohet se ishte përfshirë në një rrjet të shpërndarjes së drogës në zonën e ish- Bllokut. Efektivi i arrestuar është Ledion Bako, 27 vjeç. Ai u ndalua gjatë një operacioni, që kishte për qëllim goditjen e një grupi që merrej me shpërndarjen e lëndëve narkotike. cilët vazhduan më tej veprimet procedurale. Në përfundim të veprimeve u vendos që të arrestohet vetëm njëri nga të ndaluarit, 22vjeçari Redon Molla. Ndërsa për dy 32- vjeçarët Adrian Myrto dhe Ermal Peti, u vendos që të procedohen në gjendje të lirë.

OPERACIONI Policia e Tiranës tha dje zyrtarisht se gjatë operacionit të koduar "Blloku", u godit një tjetër rast i shpërndarjes së drogave të forta në doza të vogla, si dhe një rast i pastrimit të produkteve të veprës penale ose veprimtarisë kriminale. Si rezultat i operacionit, në rrugën "Brigada e 8", nga punonjësit e Policisë së Komisariatit nr. 2 është ndaluar për kontroll mjeti tip "Benz", me drejtues shtetasin Redon Molla, dhe me pasagjerë shtetasit Adrian Myrto dhe Ermal Peti. Gjatë kontrollit në pjesën e brendshme të monitorit të kasetofonit, Policia gjeti dhe sekuestroi 43 doza me lëndë narkotike të dyshuar kokainë. Po gjatë kontrollit fizik të shtetasit Ermal Peti, Policia gjeti dhe sekuestroi në cilësinë e provës materiale një sasi prej 25 500 franga zviceriane, 600 euro, 49 500 lekë dhe 100 dollarë. Ky i fundit u procedua në gjendje të lirë për moskallëzim krimi dhe pastrim i produkteve të veprës penale. Në cilësinë e provës materiale u sekuestrua edhe automjeti në posedim të shtetasit Redon Molla, si dhe 6 telefona celularë në posedim të shtetasve të lartpërmendur.