Mbrojtësi i Kombëtares Elseid Hysaj, Napoli ul pretendimet

Një ditë pas deklaratës ekskluzive në "Panorama Sport" të presidentit Ardjan Takaj, klubi i Skënderbeut ka zgjedhur të mbajë edhe një qëndrim publik përmes faqes zyrtare në "Facebook".

Akuza të forta në drejtim të UEFA- s dhe KAS- it, por gjithashtu edhe padi penale ndaj inspektorëve që hartuan raportin për dosjen "Skënderbeu". Sipas klubit korçar, drejtësia sportive në KAS është një fasadë dhe mburojë e një sistemi të korruptuar. "Pasi jemi njohur me përmbajtjen e buletinit mediatik të KAS, lidhur me ankimin e bërë nga KF Skënderbeu kundër vendimit të Komisionit të Apelit të UEFA- s, ndiejmë detyrimin ndaj sportdashësve dhe qytetarëve të Korçës për të qenë sa më transparentë në lidhje me hapat e mëtejshëm, të cilat do të ndiqen për rivendosjen e të drejtave tona të dhunuara barbarisht nga sistemi i drejtësisë sportive", citohej fillimisht në komunikatën e Skënderbeut. "PADI PËR SHPIFJE NDAJ

INSPEKTORËVE" "Së pari, vendimi i KAS në formën e tij të plotë dhe integral nuk i është komunikuar ende KF Skënderbeut, veprim i cili nën dritën e ngjarjeve të ndodhura, nuk është më i dyshimtë. Kjo, pasi i gjithë procesi ndaj klubit tonë ka qenë i paragjykuar, i njëanshëm dhe i paracaktuar që prej vitit 2016. Nuk mundet të mos jetë i paragjykuar një proces, ku KF Skënderbeu është dënuar në bazë të gjoja perceptimit publik të klubit dhe të personave lidhur me të, perceptim të cilin institucioni i UEFA- s, veçanërisht inspektorët e lidhur me çështjen, kanë tentuar të krijojnë përmes metodave dhe formave nga më të paskrupullta. Në lidhje me këtë, është e rastit të përmendet se ndaj inspektorëve të UEFAs, përgjegjës për hartimin e raporteve kundër klubit tonë, konkretisht z. Dhont dhe z. Lietard, aktualisht, ekzistojnë padi penale dhe civile për shpifje në organet kompetente zvicerane. Nuk mund të mos jetë i njëanshëm një proces, i cili mbështetet mbi raporte të cilat nuk kanë asnjë bazë të provuar shkencore dhe të cilat nuk kanë të bëjnë fare me analiza të mirëfillta sportive. Është e papranueshme që KAS të marrë si të mirëqena raportet e BFDS, sistem për të cilin askush nuk ka dijeni si funksionon, përfshirë edhe KAS- in. Është e papranueshme që KAS të mos marrë në konsideratë raportet shkencore të ekspertëve të basteve sportive dhe të ekspertëve sportivë të KF Skënderbeut, të cilët në mënyrë metodike dhe shkencore kanë hedhur poshtë çdo argument të ngritur nga UEFA", citohej në qëndrimin e klubit korçar për vendimin e KAS. "VENDOSËN NJERËZ ME KONFLIKT INTERESI" "Mbi të gjitha, është e papranueshme që të mos merren në konsideratë mbi 50 kundërprova të paraqitura nga pala jonë, kur nga ana tjetër, e gjithë strategjia e inspektorëve të UEFA- s mbështetej mbi dëshmi personash anonimë ( as identiteti i tyre nuk na është bërë i ditur) ose personash të cilët kanë konflikt të hapur interesi në lidhje me procesin. Nuk mund të mos jetë i paracaktuar një vendim, për të cilin vendimmarrës janë njerëz me lidhje direkte ose indirekte me palën akuzuese. Në lidhje me këtë, KF Skënderbeu kishte bërë kërkesë për përjashtimin e kryetarit të trupës arbitrale, i cili kundërshtonte kërkesën tonë, në një kohë kur detyrimi i tij deontologjik është tërheqja nga gjykimi i çështjes në rast të kërkimit të argumentuar të njërës prej palëve. Është e qartë se emërimi i këtij personi ka qenë në funksion të mbrojtjes së interesave të inspektorëve të UEFA- s dhe personave të lidhur me këtë institucion. Në kushtet kur 2 nga 3 arbitrat e çështjes kanë qenë të mandatuar për të mbrojtur njërën palë, i vetmi konkluzion logjik është parapërcaktimi i rezultatit final. Sot mund të themi me sigurinë e plotë se sistemi i drejtësisë sportive i ngritur dhe i mbrojtur me fanatizëm nga federatat ndërkombëtare është një fasadë dhe mburojë e një sistemi të kalbur dhe të korruptuar që ekziston brenda institucioneve të qeverisjes sportive. Në këto kushte, me vetëdijen që beteja ligjore në këtë sistem drejtësie është e kotë, bëjmë me dije se pas konsultimit me përfaqësuesit tanë ligjorë, brenda muajit korrik 2019, Skënderbeu do të paraqesë rekurs pranë Gjykatës Federale zvicerane kundër vendimit të KAS, datë 12.07.2019. Duke qenë të bindur mbi pafajësinë tonë, ruajmë besimin se e drejta do të vihet në vend. Së fundmi, u bëjmë me dije sportdashësve dhe mbështetësve tanë se KF Skënderbeu do të vazhdojë aktivitetin e tij më të njëjtin përkushtim, vizion dhe ambicie për të arritur rezultate edhe më të mira se ato të sezoneve të shkuara. Me respekt, KF Skënderbeu", përfundonte qëndrimi i klubit.

Fizikisht te Napoli, me mendje në merkato. Elseid Hysaj është rikthyer në stërvitje me klubin italian, por e ardhmja e tij me shumë mundësi është larg Napolit. Destinacioni mbetet mister, por të gjitha pistat të çojnë tek Atletiko e Madridit. Spanjollët janë të parët në garë për shërbimet e mbrojtësit të Kombëtares shqiptare, por duhet të bëjnë kujdes nga ndonjë ofensivë e mundshme e Juventusit në rast se do të largohet Zhoao Kanselo.

Rikthimi - Elseid Hysaj është rikthyer të bëjë fazën përgatitore me skuadrën e Napolit, pavarësisht faktit se dëshiron të largohet për të nisur një aventurë të re. Profesionalizmi dhe detyrimet që ka ndaj skuadrës së tij kanë bërë që shkodrani të paraqitet në qendrën stërvitore dhe të impenjohet maksimalisht bashkë me gjithë pjesën tjetër të lojtarëve. Ai është një nga "veteranët" e këtij grupi që ka Napoli dhe duket i qeshur dhe në humor teksa bën stërvitje. Kjo gjë nuk e ndryshon dot fatin e së ardhmes së tij, e cila është larg Napolit. Ançeloti nuk e ka në plan, por edhe vetë Hysaj dëshiron një tjetër aventurë.

Vetëm 15 mln - Nga 50 milionë euro, në 15 milionë euro. Ky është ndryshimi rrënjësor që ka pësuar vlera e tij në merkato. Dikur, De Laurentis pretendonte që skuadrat të paguanin klauzolën e tij, ndërsa lajmi aktual është ulja e kërkesës nga italianët. Pak ditë më parë kërkonin 25 milionë dhe tani mund ta lënë të lirë për 15 milionë euro. Deklaratat e tij për t'u larguar dhe vendimet e qarta të Ançelotit për të mos e përfshirë në skuadër kanë bërë që Hysaj të çojë në arkat e klubit italian vetëm 15 milionë euro.

Atletiko - Të gjitha rrugët e çojnë Elseid Hysajn në Madrid. Lojtari ka refuzuar një ofertë nga Shalke 04 dhe nuk është i interesuar për të luajtur në Gjermani. Dëshira e tij e madhe është të vihet nën urdhrat e trajnerit Diego Simeone dhe Atletiko ka gati 15 milionë+ bonuset për transferimin e shqiptarit. 25- vjeçari po pret që klubet të gjejnë gjuhën e përbashkët me njëri- tjetrin, por "Los Kolçoneros" duhet të bëjnë kujdes. Në rast të ndonjë telefonate surprizuese nga Mauricio Sarri, Hysaj mund të transferohet te Juventusi. Raporti i tyre është i shkëlqyer, por gjithçka varet nga Zhoao Kanselo. Në rast se ky i fundit do të qëndrojë te Juventusi, atëherë Hysaj do të marrë avionin për në Madrid.