Berisha takohet në Tiranë me këshilltarin e Trump- it
Ish- Kryeministri Sali Berisha dhe kreu i Partisë Republikane, Fatmir Mediu, kanë zhvilluar një mëngjes pune me Rudy Gulianin, ishkryetarin e Bashkisë se New York- ut dhe këshilltarin e Presidentit Trump, Tom Ridge, ish- sekretar i sigurisë së vendit në SHBA. Mësohet se diskutimi mes tyre është fokusuar rreth krizës politike në Shqipëri, situatës me krimin, korrupsionin dhe shkatërrimin e lirive të qytetarëve shqiptarë. Përmes një postimi në “Facebook” të shoqëruar dhe me foto, Berisha tregon bisedën me dy politikanët amerikane. “Miq, pata kënaqësi të takoj dhe bisedoj mbi zhvillimet në vend dhe rajon ishkryetarin e Bashkisë së New York- ut, i njohur për famën e tij edhe si kryetari i Bashkisë së Amerikës dhe ish- sekretarin e Sigurisë së vendit në SHBA, me të cilin unë dhe qeveria që drejtoja kemi bashkëpunuar ngushtësisht në fushën e sigurisë dhe luftës kundër terrorizmit dhe krimit të organizuar. Në këtë takim njoha miqtë me problematikën e madhe të krijuar nga instalimi i narkoshtetit në Shqipëri nga qeveria aktuale, lidhjet e saj me krimin e organizuar dhe korrupsionin e papërmbajtur të të gjitha niveleve qeveritare, klimën armiqësore ndaj investimeve të huaja në vend dhe largimin masiv të shqiptarëve nga vendi”, shkruan ishKryeministri Berisha. Nga ana e tij, kreu republikan Fatmir Mediu shkruan se biseda me dy politikanët amerikanë u përqendrua rreth krizës politike në Shqipëri. “Diskutimi u përqendrua rreth krizës politike në Shqipëri, krimin, korrupsionin dhe shkatërrimin e lirive të qytetarëve shqiptarë. Rama po e çon Shqipërinë drejt shkatërrimit të sistemit kushtetues dhe pluralizmit, për interesa të tij personale, duke ndërtuar një narkoshtet”, shkruan Mediu në “Facebook”.