PS hyn në zgjedhje të brendshme, Rama flet për ndryshimet në Qeveri dhe opozitën
PS MBLEDH KONGRESIN ZGJEDHOR NE NENTOR, KRYESI E ASAMBLE E RE
Do të jetë Kongresi Zgjedhor i PS- së, i cili do të zgjedhë me votë Asamblenë e re Kombëtare, e cila më pas do të votojë për Kryesinë dhe sekretariatin ekzekutiv të saj. Por që të ketë një mbikëqyrje sa më të mirë të zgjedhjeve në të gjithë territorin, Kryesia socialiste nën drejtimin e Edi Ramës vendosi që të ndajë të strukturën socialiste në tri rajone të mëdha, me nga katër qarqe secila. Monitorimi i tri rajoneve do të bëhet nga tri figurat kryesore të PS- së: Edi Rama, Gramoz Ruçi dhe Taulant Balla, i cili është dhe sekretari i përgjithshëm i PS- së dhe kryetar i Asamblesë Kombëtare. Kryetari i PS- së, Edi Rama, do të drejtojë rajonin Lezhë- Shkodër- Dibër- Kukës, ndërsa sekretari i përgjithshëm, Taulant Balla, do të koordinojë Qarqet Tiranë, Durrës, Elbasan dhe Korçë. Kryetari i Kuvendit, Gramoz Ruçi, do të jetë koordinatori i rajonit të Jugut, që përfshin Qarqet e Fierit, Beratit, Vlorës dhe Gjirokastrës. Të gjithë drejtuesit politikë në të 12 qarqet, kryesisht ish- ministra, të cilët kanë drejtuar dy fushatat zgjedhore, ato parlamentare të 2017 dhe ato vendore të 2019, do të vijojnë punën e tyre organizative deri në mbledhjen e Kongresit Zgjedhor të PS- së në muajin nëntor. Por ata do të jenë nën mbikëqyrjen e tre drejtuesve të PS- së, të shpërndarë në të gjithë vendin sipas rajoneve, të krijuara dje në Kryesinë e PS- së. Kryesocialisti tha dje pas mbledhjes së Kryesisë së PS- së se, dhe pse mori një rezultat mbi pritshmëritë e saj, e di shumë mirë çfarë potencialesh ka dhe se është e vetëdijshme se ka ende shumë rezerva, duke lënë të kuptohet se do të ketë lëvizje të mëdha nga ana organizative në këtë parti.
ANALIZA
Në 22 korrik, socialistët do të mbledhin Asamblenë Kombëtare dhe do të bëjnë një analizë të detajuar të të dhënave të zgjedhjeve të 30 qershorit, ku socialistët nuk luftonin për fitoren e bashkive dhe këshillave, por për pjesëmarrjen e votuesve në to. Sekretari i përgjithshëm, Taulant Balla, i paraqiti dje Kryesisë socialiste një grafik me shifra dhe tabela me rezultatet e zgjedhjeve nga viti 2005 e deri në 2019, kur zgjedhjet vendore krahasoheshin me ato paraardhëse si dhe zgjedhjet parlamentare me ato të mëparshmet. Burime nga Kryesia thanë për “Panorama” se grafiku i rezultateve tregonte rritje të vazhdueshme të votave të PS- së krahasuar me PD- në, por dhe krahasuar me PS- në nga njëra zgjedhje në tjetrën. Por analiza është ndalur më shumë te shifrat e zgjedhjeve të 30 qershorit, të cilat duken se do të përcaktojnë dhe formatimin e ri të forumeve drejtuese të PS- së, siç është Kryesia dhe sekretariati i PS- së. Gjashtë qarqe me rritjen më të madhe të votave për PS krahasuar me dy vite më parë, nga zgjedhjet e 2017, janë Elbasani, Dibra, Gjirokastra, Korça, Kukësi dhe Tirana. Ndërsa qarqet me rënie të theksuar të mbështetjes së PS janë Durrësi me 15.504 vota më pak, Berati me 6585 vota më pak, Shkodra me 4027 vota më pak, Vlora me 3962 vota më pak dhe Lezha me 861 vota më pak.
Të gjithë drejtuesit politikë në të 12 qarqet, kryesisht ish- ministra, të cilët kanë drejtuar dy fushatat zgjedhore, ato parlamentare të 2017 dhe ato vendore të 2019, do të vijojnë punën e tyre organizative deri në mbledhjen e Kongresit Zgjedhor të PSsë në muajin nëntor