KANDIDATJA E SPAK, ELIDA KAÇKINI, PËRBALLET ME VETINGUN
Këshilli i Lartë i Prokurorisë miratoi këtë të martë listën e 15 prokurorëve, të cilët pas procedurës së përzgjedhjes për të qenë pjesë e Strukturës së Posaçme Antikorrupsion, morën pikët më të larta.
Surpriza e listës së miratuar nga KLP është mungesa e drejtueses së Prokurorisë së Krimeve të Rënda, Donika Prela, dhe ish- drejtuesit të kësaj Prokurorie, Besim Hajdarmataj. Ndërkohë, jashtë 15 më të mirëve janë lënë edhe dy prokurorët e dosjeve me të diskutuara të momentit, Vladimir Mara dhe Dritan Prençi. Sipas Këshillit, renditja e kandidatëve që kërkojnë të jenë pjesë e SPAK është bërë pas vlerësimit të letrës së motivimit, akteve rreth procedimeve penale të kandidatëve, informacioneve nga burimet e hapura përveç dokumenteve të prezantuara nga kandidatët. “Komisioni i Posaçëm ka vlerësuar kriterin profesional të integritetit dhe vendosmërisë së kandidatëve. Komisioni ka sjellë gjithë raportet e kandidatëve në mënyrë nominale dhe këto raporte janë miratuar me vota të plota nga Këshilli”, njoftoi KLP. TË PËRZGJEDHURIT I renditur i pari në listën e kandidatëve, që nëse do të kishin kaluar të gjithë procesin e vetingut, do të ishin automatikisht pjesë e SPAK, është prokurori Altin Dumani, aktualisht i komanduar në krye të Prokurorisë së Apelit për Krime të Rënda. Dumani, gjatë karrierës së tij, ka pasur në dorë dosje të rëndësishme, ndërsa ka qenë edhe drejtues i Task- Forcës në krijimin e saj. I dyti në listë është prokurori i Krimeve të Rënda, Anton Martini. Ky i fundit, me një CV të pasur në hetimin e grupeve kriminale, kujtojmë se ka pasur në dorë dosjen e bandës së Durrësit, Cërrikut e Lazaratit, ku ka kërkuar disa dënime të përjetshme. Pjesë e më të mirëve, të përzgjedhur nga Këshilli, është edhe prokurorja e Krimeve të Rënda, Elizabeta Imeraj, aktualisht e komanduar në krye të Prokurorisë së Tiranës. Imeraj, më herët, është konsideruar si “gruaja e hekurt” gjatë përfaqësimit të Akuzës, në çështjen ndaj ish- ministrit të Brendshëm, ndërsa ka pasur në dorë dosje të krimit të organizuar dhe funksionarëve të lartë, si dosja “Shullazi” apo ajo e rrugëve, ku ranë në pranga ish- kreu i ARRSH- së e zyrtarë të tjerë. I përzgjedhur është edhe prokurori që aktualisht ka nën hetim dosjen ndaj ishKryeprokurorit Adriatik Llalla, Klodian Braho, i cili ushtron detyrën e tij në Prokurorinë për Krime të Rënda. Besnik Muçi, Doloreza Musabelliu, Manjola Kajana, Edvin Kondili, Ened Nakuçi dhe Behar Dibra, prokurorë në Prokurorinë për Krime të Rënda, janë gjithashtu në listën e 15 më të mirëve. Si të denjë për në SPAK janë zgjedhur edhe prokurorët Ndini Tavani e Elida Kaçkini të Prokurorisë së Tiranës. Pjesë e listës përfundimtare është prokurori i Prokurorisë së Përgjithshme, Arben Kraja, Anita Jella, drejtuesja e Prokurorisë së Durrësit dhe Enkeleda Millonaj, prokurore në Elbasan.
SPAK Struktura e Posaçme Antikorrupsion, e njohur gjerësisht si SPAK, do të jetë e specializuar për hetimin e korrupsionit dhe krimit të organizuar. Prandaj, edhe një nga kriteret e parashikuara në ligj për anëtarin e Prokurorisë së Komisioni i Pavarur i Kualifikimit zhvilloi dje seancën dëgjimore me prokuroren e Tiranës, njëherësh edhe kandidate për në Strukturën e Posaçme Antikorrupsion, Elida Kaçkini. Hetimi për këtë të fundit është kryer në të tri kriteret e rivlerësimit, atë të pasurisë, pastërtisë së figurës dhe aftësive profesionale. Duke iu referuar raportit të KPK- së, prokurorja është gjetur pa probleme në kriterin profesional dhe atë të pastërtisë së figurës, ndërsa për pasurinë, Komisioni diskutoi në seancë në lidhje me një apartament në pronësi të bashkëshortit. Në lidhje me pasurinë, ILDKPKI ka dorëzuar një raport me konstatimin se deklarimi ishte i saktë dhe në përputhje me ligjin, nuk ka kryer fshehje të pasurisë apo deklarim të rremë dhe se prokurorja nuk gjendej në kushtet e konfliktit të interesit. Edhe nga hetimi i KPK nuk janë konstatuar probleme, përveç diskutimit për banesën e blerë nga burri i prokurores para se ata të martoheshin. Ndërkohë që u relatua se Kaçkini kishte sjellë prova për të vërtetuar të kundërtën e pretendimit të Komisionit, gjatë seancës dëgjimore u mbrojt me faktin se nuk mund të mbante përgjegjësi për një pasuri të krijuar para martesës dhe ku ajo nuk ka pasur asnjë ndikim në vendimmarrje. Posaçme, është edhe eksperienca në hetimet për krimin e organizuar dhe korrupsionit. Ndërkohë, ngritja e SPAK do të shkrijë Gjykatën për Krime të Rënda dhe një pjesë kompetencave të kësaj të fundit do t’u kalojnë gjykatave në rrethe. Aktualisht, gjyqtarët e Krimeve të Rënda, në pjesën më të madhe të tyre, kanë dhënë pëlqimin për të qenë pjesë e SPAK, e cila do të ketë edhe 15 prokurorë.