Policia italiane dhe FBI në aksion të përbashkët, kapin 19 mafiozë
Më shumë se 200 policë italianë dhe agjentë të FBI nga zyra e Byrosë së Nju Jorkut kanë nisur të mërkurën një goditje të koordinuar kundër një klani mafioz sicilian të lidhje me familjen Gambino, sipas raporteve në “New York Post”. Tetëmbëdhjetë të dyshuar u arrestuan në Palermo, Sicili, gjatë operacionit të koduar me emrin “Lidhja e Re”, sipas “CBS News”. Ndërsa CNN shkruan se një i dyshuar është arrestuar në “Big Apple”, ( Nju Jork Siti). Mes të arrestuarve ishin Thomas Gambino, i konsideruar nga FBI si anëtar i rëndësishëm i familjes së krimit me bazë në Nju Jork dhe Salvatore Gambino, kryebashkiaku i një fshati pranë Palermos, sipas “Reuters”. Përpjekja e përbashkët zbuloi lidhje të forta mes “Cosa Nostra” të Sicilisë,( kreu i së cilës, Salvatore “Toto” Riina i klanit Corleone vdiq në burg në vitin 2017) dhe familjeve të krimit të organizuar të SHBA. Në vitet 1980, Riina kishte nisur një luftë të egër mafioze në Sicili, duke dëbuar familjen Inzerillo nga kështjella e saj në rrethinat e Palermos në Passo di Rigano dhe duke u vetëshpallur në mërgim në SHBA. Sipas Policisë, familja ka kërkuar që të rimarrë biznesin e saj të vjetër, e ndihmuar nga aleatë me ndikim në Nju Jork. Gjithashtu të arrestuar ishin Tommaso dhe Francesco Inzerillo, të afërm të Salvatore Inzerillo, i cili u vra nga Riina në vitin 1981, shkruan “Reuters”. Hetimi “ka shfaqur lidhjen e fortë të vendosur midis ‘ Cosa Nostra Palermos’ dhe krimit të organizuar të SHBA, veçanërisht klanit Gambino”, shkruhet në një deklaratë policore. Gambinot janë një nga pesë familjet historike mafioze italo- amerikane në Nju Jork. Shefi i raportuar i familjes, Francesco “Franky Boy” Cali, u qëllua në mars para shtëpisë së tij në Todt Hill, në Staten Ajlënd, një vrasje që alarmoi thellësisht klanin Inzerillo. Policia italiane tha se të dyshuarit që u arrestuan të mërkurën përballen me akuza të shumta, duke përfshirë anëtarësimin në mafia, grabitje të rëndë, mashtrime dhe konkurrencë të padrejtë. Rreth 3.36 milionë dollarë vlerë të pasurive të paluajtshme dhe aseteve të tjera u konfiskuan nga Policia italiane të mërkurën.