DOKUMENTET
Dokumentet per perfitime te parakohshme:
a) Kërkesë për caktim pensioni sipas formatit të miratuar nga Instituti i Sigurimeve Shoqërore;
b) Fotokopje e dokumentit të identifikimit, i cili duhet të jetë brenda afatit të vlefshmërisë, i nënshkruar nga vetë personi;
c) Vërtetim të zyrës së Gjendjes Civile në rast të ndryshimit të gjeneraliteteve;
d) Librezë Pune e plotësuar në të gjitha rubrikat sipas llojit të punës;
e) Vërtetim për bazën e vlerësuar për periudhat e punësimit nga data 1.1.1994 deri në datën e ndërprerjes së marrëdhënieve financiare nga puna ose vetëpunësimi;
f) Vërtetim i posaçëm i konfirmimit të llojit të punës në profesionet e vështira, sipas përcaktimeve në këtë ligj dhe në Vendimin e Këshillit të Ministrave nr. 526, datë 20.12.1958, "Për ndarjen e punëve në kategori, për efekt pensioni", i lëshuar nga ndërmarrja ku personi ka qenë i punësuar, kur subjekti është aktiv ose nga dokumentacioni arkivor i sigurimeve shoqërore;
g) vërtetim për kryerjen e shërbimit të detyrueshëm ushtarak ( për burrat);
h) Çdo dokumentacion tjetër i lëshuar nga organizma shtetërore që konfirmon llojin dhe periudhën e punës.
2. Në zbatim të germës ' a" të nenit 4 dhe të nenit 6 të ligjit të sipërshënuar, personat të cilët janë përfitues pensioni, sipas ligjit nr. 4171/ 1966, të ndryshuar; ligjit nr. 7703/ 1993, të ndryshuar dhe ligjit nr. 150/ 2014, të ndryshuar, për të përfituar shtesën mbi pensionin e pleqërisë ose shtesë mbi pensionin e invaliditetit, të plotësojnë dhe dorëzojnë në Agjencitë e Ofrimit të Shërbimeve të Integruara ose në agjencitë lokale të Sigurimeve Shoqërore, dokumentet e mëposhtme: a) kërkesën për përfitimin e shtesës mbi pension, sipas formatit tip të miratuar nga ISSH; b) fotokopje të dokumentit të identifikimit, i nënshkruar personalisht, i cili duhet të jetë brenda afatit të vlefshmërisë.