Shtëpitë pa leje, tri dokumentet për tapinë
Agjencia e Kadastrës përcakton kushtet e reja për hipotekimin
Agjencia e Kadastrës shpall kushtet e reja për legalizimin e apartamenteve pa leje. Tri dokumentet bazë që duhen për të marrë certifikatën e pr onësisë
Caktimi i një përfaqësuesi, kopjet e vetëdeklarimeve apo kontratave si edhe lista e banorëve, janë tri dokumentet bazë për fillimin e procedurave të hipotekimit të pallateve pa leje.
Urdhri i Agjencisë së Kadastrës përcakton kushtet e reja që duhet të plotësohen fillimisht prej ndërtuesve dhe më pas prej familjeve që kanë blerë apartamente në këto njësi banimi, që s'kanë asnjë dokument pronësie. "Që të fillojë procedura e legalizimit nga ana e ASHK- së, duhet që minimalisht të jenë mbledhur mbi 80% e dokumentacionit të të gjithë godinës", bëhet me dije më tej nga Kadastra.
DOKUMENTET Por lista e detyrimeve nuk përfundon këtu, pasi, krahas dokumentacionit të mësipërm, duhet të dorëzohen edhe plot 10 dokumente të tjera. Kështu, personi i autorizuar duhet të sigurojë: kopje të kartave të identitetit të personit/ personave që kanë kryer blerjen, certifikatë familjare të blerësit në momentin e blerjes, kalimet mbi pronësinë, nëse ka pasur shitje te
FAMILJE
kanë përfituar dokumentin e pronësisë, ndërkohë që në të gjithë vendin janë identifikuar 1230 pallate me rreth 30 mijë familje. Kjo do të thotë se në dy vite, vetëm 1/ 3 e familjeve që janë në këto kushte, kanë marrë tapinë palët e treta, projektin e miratuar, projektin e gjendjes ekzistuese, tabelën e sipërfaqeve, aktekspertizën e qëndrueshmërisë së objektit si edhe çfarëdo akti noterial, që lidhet me posedimin dhe pronësinë. Sa i takon projektit të pallatit, Kadastra sqaron se mund të merret nga njësia vendore, autoriteti që ka lëshuar lejen e ndërtimit, mund të prodhohet nga një subjekt i licencuar i kontaktuar nga qytetarët, ose nga drejtoria përkatëse e ASHK. Ndërkohë, lidhur me aktekspertizën për qëndrueshmërinë e objektit, është dokument teknik, i cili lëshohet nga inxhinier i licencuar dhe përgatitet detyrimisht për të gjithë godinën.
SITUATA Prej gati dy vitesh kanë nisur procedurat e hipotekimit për këto objekte pa leje, duke iu dhënë mundësinë edhe qytetarëve që të bëhen pjesë e procesit. "Për pallatet, të cilat janë vetëdeklaruar prej subjektit ndërtues, procedura do të fillojë me ndërtuesin. Në rast se ai nuk do t'i përgjigjet thirrjes së ASHK, atëherë procedura do të ndiqet në vazhdim me qytetarët", bëhet me dije nga Kadastra. Sipas këtij institucioni, nga 30 mijë familje që janë në këto kushte, vetëm 7100 kanë mundur të marrin certifikatën e pronësisë, të tjerat janë në proces.