“30 qershori i paligjshëm”, Meta paralajmëron dështim të negociatave me BE- në
Presidenti, kritika edhe për opozitën: Entuziazëm mbresëlënës, po të ishin regjistruar, 30 qershori s’do ishte zhdekretuar
Edhe pse ka marrë pushimet vjetore, Presidenti Meta e nisi ditën e djeshme me një koment mbi krizën politike në vend. Ai ndodhet në Prevallë me familjen, por, me sa duket, vëmendjen e ka në Shqipëri.
Ditën e djeshme, ai publikoi në faqen personale në “Facebook” një koment mbi situatën politike dhe mbi zgjedhjet e 30 qershorit, proces të cilin e konsideron të jashtëligjshëm dhe të njëanshëm. “Fitoret e thella që gë
zojnë liderët dhe pasojat e rënda që penalizojnë Shqipërinë dhe shqiptarët. E kam fjalën për fitoren ‘ e vërtetë’ të maxhorancës aktuale, që në zgjedhjet e saj të njëanshme dhe të paligjshme, shpalli fitoren në 100% të bashkive të Shqipërisë, si edhe të këshillave bashkiakë”, u shpreh Meta.
Presidenti Meta nuk kurseu as kritikat për opozitën. Në komentin e tij të publikuar në “Facebook”, kreu i qeverisë theksoi se entuziazmi i liderëve të opozitës se kanë mbështetjen e 85% të shqiptarëve mund të ishte reflektuar edhe në 30 qershor nëse ato do të regjistroheshin dhe rrjedhimisht nuk do të kishte një dekretin për anulimin e kësaj date. Ai theksoi se opozita po të kishte mbështetjen e 1/ 4 të 85% të shqiptarëve, do të gëzonte shumicën dërrmuese të njësive vendore. “Por edhe entuziazmi i liderëve të opozitës se ata fituan 85% është mbresëlënës, duke harruar se sikur opozita të ishte regjistruar në kohë para shfuqizimit të 30 qershorit si datë e zgjedhjeve, do t’i mjaftonte të kishte për vete jo më shumë se 1/ 4 e 85% për të arritur një fitore reale dhe institucionale në shumicën dërrmuese të njësive vendore”, theksoi Presidenti. KRITIKA PËR OPOZITËN
NEGOCIATA ME BE
Marrja e pushtetit nga ana e Partisë Socialiste, sipas kreut të shtetit, është një “Jo” nga ana e Bashkimit Europian për hapjen e negociatave. Sipas tij, marrja e pushtetit vendor në mënyrë të njëanshme dhe pa garë do të prodhojë një vendim negativ në 18 tetor, kur të bëhet edhe mbledhja e Këshillit të Ministrave të Bashkimit Europian. “‘ Fitore’ të tilla penalizojnë rëndë të ardhmen e vendit, pasi jo vetëm garantojnë një disfatë në 18 tetor për çeljen e negociatave në mënyrë të sigurt, por lënë pa mbrojtje nga të drejtat e tyre të gjithë qytetarët shqiptarë, të cilët jetën e tyre të përditshme e kanë aq të lidhur me shërbimet e pushtetit vendor”.
PUSHTETI VENDOR
Presidenti thekson se qeverisja e organeve të pushtetit vendor vetëm nga Partia Socialiste shënon edhe asgjësimin e llogaridhënies përpara qytetarëve, njësoj si ai qendror. Në komentin e tij, Meta ripërsërit qëndrimin se qeveria është pakicë që nuk njeh rrotacionin, e cila do të administrojë tanimë të gjitha bashkitë e vendit. “Ndërkohë, asgjësimi i llogaridhënies së pushtetit vendor ( pas atij qendror), i shërben vetëm pakicës që nuk njeh rrotacion dhe të përzgjedhurve të saj për të administruar çdo pushtet, pasuri dhe pronë publike, në mënyrë arrogante dhe të pakontrolluar”, theksoi Presidenti Meta, duke shtuar se viktimat e të gjithë kësaj krize janë vetëm qytetarët shqiptarë. “Viktimat e këtyre ‘ fitoreve’ janë të gjithë qytetarët shqiptarë pa dallime partiake. Për integrimin as bëhet fjalë, por mbetet vetëm të shpresojmë të mos na ndëshkojnë në institucionet aktuale, që merren me mbrojtjen e autonomisë vendore, demokracisë vendore dhe të drejtat e njeriut”, u shpreh kreu i shtetit.
Por edhe entuziazmi i liderëve të opozitës se ata fituan 85% është mbresëlënës, duke harruar se sikur opozita të ishte regjistruar në kohë para shfuqizimit të 30 qershorit si datë e zgjedhjeve, do t’i mjaftonte të kishte për vete, jo më shumë se 1/ 4 e 85% për të arritur një fitore reale dhe institucionale në shumicën dërrmuese të njësive vendore