Turqia dhe SHBA arrijnë marrëveshje për zonën e sigurisë në Siri
Turqia dhe Shtetet e Bashkuara kanë arritur të gjejnë një marrëveshje mbi një mospajtim në lidhje me sulmet turke ndaj kurdëve në Siri, duke krijuar një qendër të përbashkët operacionale për të koordinuar një zonë të sigurt të planifikuar në veri të Sirisë. Lajmi u dha nga Ministria turke e Mbrojtjes, të mërkurën, në ditën e tretë të bisedimeve të dy aleatëve më të mëdhenj të NATO- s, në një kohë kur marrëdhëniet mes tyre janë në një pikë tensioni për shkak se Turqia ka finalizuar blerjen e sistemeve ruse të mbrojtjes, të kundërshtuara nga SHBA. Sa për zonën e sigurisë, marrëveshja kishte ngecur prej muajsh se kush do ta drejtonte atë dhe çfarë madhësie duhej të kishte kjo zonë. Turqia e ka akuzuar SHBA se po tërheq këmbët zvarrë për arritjen e kësaj marrëveshjeje dhe po ashtu u ka bërë thirrje amerikanëve që të ashpërsojnë lidhjet e tyre me luftëtarët kurdë të Njësisë së Mbrojtjes Populore Kurde ( YPG), të cilët SHBA i konsideron aleatë kundër ISIS në terren, ndërsa Turqia i konsideron terroristë, një zgjatim të grupit Partia e Punëtorëve të Kurdistanit, që prej dekadash kryejnë sulme terroriste në Turqi ( për të përmbushur krijimin e shtetit të Kurdistanit, i cili do të përfshinte edhe territore turke). SHBA dhe Turqia ranë dakord që të krijojnë sa më shpejt një qendër të përbashkët operacionale në Turqi për të koordinuar dhe menaxhuar zonën e sigurisë ndaj sulmeve në Siri. Kjo zonë do të jetë një korridor paqeje dhe do të shërbejë edhe për të kthyer pas të sigurt në shtëpitë e tyre refugjatët sirianë në Turqi. Gjatë javëve të fundit, Turqia ka vendosur shumë trupa në kufirin me Sirinë dhe Presidenti Erdogan ka paralajmëruar një sulm ndaj kurdëve që rrezikojnë kufirin.