SHKRIRJA E GJYKATËS KUSHTETUESE

Secili anëtarë i KED- së do të shqyrtojë dokumentacionin e çdo kandidati të lejuar, për njohjen me të dhënat e jetës profesionale, me punimet shkencore dhe dokumentet e tjera profesionale të paraqitura për vlerësim nga kandidatët, në funksion të përmbushjes së kompetencës së vlerësimit dhe pikëzimit të secilës kandidaturë. Pas kësaj, Këshilli do të zhvillojë bisedimin kolegjial, vlerësimin dhe pikëzimin e kandidaturave për gjyqtarë në Gjykatën Kushtetuese. Gjatë ditës së djeshme, u intervistuan 3 këshilltare ligjore të Gjykatës Kushtetuese që kërkojnë të jenë tashmë anëtare të kësaj gjykate, Arta Vorpsi, Elsa Toska dhe Fiona Papajorgji, si dhe të gjyqtares së Gjykatës së Tiranës, Regleta Panajoti dhe ish- drejtueses së Inspektoratit të KLD, Marsida Xhaferllari. Kujtojmë se dy ditë më parë, KED intervistoi edhe prokurorin e Prokurorisë për Krime të Rënda, Besnik Muçin. “Këshilli i Emërimeve në Drejtësi zhvilloi proceset e relatimit të procedurave të ndjekura deri më tani për vlerësimin e kandidaturave për vendet vakante në Gjykatën Kushtetuese, si edhe zhvilloi intervistat, sipas ligjit, me të gjithë kandidatët e lejuar për kandidim”, njoftoi KED. GARA Në garë për 4 vende bosh në Gjykatën Kushtetuese janë 6 anëtarë, vlerësimi për të Gjykata Kushtetuese, e cila duhet të kishte në total nëntë anëtarët e saj, nisi rrënimin në vitin 2016, kur gjyqtari Vladimir Kristo, pasi i kishte mbaruar mandati në 2015 dha dorëheqjen, pas tij dorëheqjen e dhanë nga viti në vit edhe dy anëtarë të tjerë, Sokol Berberi dhe Besnik Imeraj. Pas dorëheqjeve, procesi i vetingut i dha goditjen përfundimtare institucionit më të lartë të drejtësisë në vend, që rrëzoi njëri pas tjetrit 5 anëtarë, të cilët nuk arritën të kalonin testin e trefishtë, kryesisht për pasurinë, por pati raste edhe të gjyqtarëve të gjetur me probleme në kriterin e figurës. Vera e vitit 2018 e la Kushtetuesen me vetëm dy anëtarë, Vitore Tushën dhe Bashkim Dedjen, i cili disa muaj më parë u shkarkua nga shkalla e dytë e vetingut, Kolegji i Posaçëm i Apelimit, pasi u gjet me probleme në kriterin e pasurisë. cilët do t’i dërgohet Kuvendit dhe Presidentit brenda 10 ditësh. Ndërkohë, gjatë mbledhjes së djeshme, Këshilli iu drejtua Presidencës dhe Kuvendit që të rihapin garën për dy vakanca të parakohshme për këtë Gjykatë. “Në përfundim të diskutimit të çështjeve të rendit të ditës, Këshilli vendosi: Njoftimin e subjektit që e ka vënë në lëvizje, Kuvendin e Republikës së Shqipërisë, për të vlerësuar rishpalljen e thirrjes për paraqitjen e kandidaturave për plotësimin e vendit vakant në Gjykatën Kushtetuese, vakancë e parakohshme, të shpallur nga Kuvendi në datën 28.8.2018. Pezullimin e procedurës së verifikimit të kandidaturave dhe njoftimin e subjektit që e ka vënë në lëvizje, Presidentin e Republikës së Shqipërisë, për të vlerësuar rishpalljen e thirrjes për paraqitjen e kandidaturave për plotësimin e vendit vakant në Gjykatën Kushtetuese, vakancë e parakohshme, të shpallur me dekretin nr. 10723 datë 7.2.2018 nga Presidenti i Republikës”, shkruhej në njoftimin e KEDsë. Gjykata Kushtetuese do të ketë 9 anëtarë në total, 3 të propozuar nga Kuvendi, 3 nga Presidenti i Republikës dhe 3 nga Gjykata e Lartë. Pas shfaqjes së interesit, kandidaturat e secilit institucion i komunikohen Këshillit të Emërimeve në Drejtësi që pas shqyrtimit të kushteve ligjore, intervistimit dhe analizimit të të dhënave të secilit kandidat, i pikëzon ata dhe i dërgojnë për votim në Kuvend.