Inxhinieri i “Facebook” nga SHBA, në festë: I mahnitur nga “Birra Korça”
Shija e birrës tradicionale ndez mbrëmjet festive. Vajzat nga SHBA: Është bukur të shijosh birrën, ndihemi shkëlqyer
Vetëm "Birra Korça" dhe "Green Cola" mund të dhurojnë një natë magjike dhe elektrizuese.
"Birra Korça", ajo që ishte edhe iniciatorja e Festës së Birrës në Korçë, e para dhe e vetmja që për 13 vite ka dhënë një mbështetje maksimale për zhvillimin e këtij eventi, i cili i sjell Korçës mijëra turistë, në fakt mbetet atraksioni kryesor i mbrëmjeve elektrizuese të festës. Vazhdon të ngjitet lart në klasifikim, pas vlerësimeve maksimale që merr nga ata të cilët e provojnë për herë të parë, pasi ata që e kanë provuar më herët, nuk i ndahen më. Sigurisht, një birrë që i solli zhvillimin qytetit të Korçës, me një fabrikë model, të vlerësuar edhe nga ekspertë ndërkombëtarë e njohës të kësaj fushe, pak vite më parë u kthye në një motor zhvillimi për Korçën e Festën e Birrës, që aq shumë njihet e lakmohet. Pas dy netësh, ku mijëra pjesëmarrës konsumuan njëra pas tjetrës gotat e "Birra Korça", nuk kishte si të ishte ndryshe edhe nata e tretë. Serenatave, muzikës rock e zhanreve të tjera, ua shumëfishon shijen "Birra Korça", që daton prej vitit 1928 dhe që vazhdon të rritet falë një investimi kolosal që u bë pak vite më parë në fabrikën ku ajo prodhohet.
Në tavolinat e tejmbushura me njerëz, gotat me "Birra Korça" rrëkëllehen njëra pas tjetrës. Në sheshin para skenës të gjithë mbajnë duart lart e duke kërcyer e kënduar bëjnë gëzuar me "Birra Korça". Edhe ata njerëz që pritnin me shpresën se do të gjejnë vend te ndonjë tavolinë, më parë kanë kaluar nga stendat e "Birra Korça". Sepse një gotë birre tradicionale, birrës së parë shqiptare që mban emrin Korça, nuk i reziston dot askush. E sigurisht natës së gjatë e plot adrenalinë nuk i munguan as turistët e huaj, të ardhur nga çdo vend i botës, për të konsumuar "Birra Korça" dhe për t'u dëfryer në këto mbrëmje festive. Kayla Pennington dhe Paunee Maiden, dy shoqe nga SHBA, duke konsumuar "Birra Korça", thanë: "Është vërtet shumë e mirë. Na pëlqen shumë kjo birrë. Është bukur të jesh në një festë, të pish një birrë të mirë dhe të mos kesh dhimbje koke të nesërmen në mëngjes. Kemi tri net që po pimë birrë, po shijojmë festën dhe ndihemi shkëlqyeshëm". Kristo Gorari dhe bashkëshortja e tij greke udhëtuan enkas nga Gjermania për këtë festë dhe sigurisht që ata zgjodhën "Birra Korça" dhe "Green Cola". "Ne erdhëm enkas për festën. Sapo mbërritëm dhe jemi këtu te stenda e ' Birra Korça'. Unë zgjodha të konsumoj birrë, ndërsa bashkëshortja ime një ' Green Cola'. Janë të shkëlqyera të dyja. Kjo birrë më kujton rininë, para se të emigroja. Është birra e qytetit dhe kemi aq shumë kujtime te lokali ku shkonim. Me vjen mirë që dikush vuri dorë dhe e ktheu fabrikën dhe restorantin në një hapësirë dinjitoze. Edhe ' Green Cola' është shumë e mirë, mendon bashkëshortja ime. Ndaj faleminderit atyre që investojnë dhe na mundësojnë që ne të krenohemi me produktet tona. Gëzuar me ' Birra Korça'", u shpreh ai.