Rekord turistësh, Klosi: “Birra Korça”, pika më e fortë e festës
Mbyllet festa që për 5 ditë e ktheu Korçën në destinacion turistik "Turistë e vizitorë shijojnë birrën e parë shqiptare, ' Birra Korça', traditën që u bë festë e festën që tashmë është traditë"
"Mrekullia që po ndodh këto ditë në Korçë, nuk është as më shumë e as më pak: pikërisht shndërrimi i traditës në festë dhe i festës në traditë.
' Birra Korça', me historikun e prodhimit prej 1928- ës si birra e parë shqiptare, si produkt i konsoliduar në tregun vendës e përtej, është pika e fortë ku mbështetet kjo festë tashmë e shndërruar në traditë e që rritet vit pas viti", kështu e përshkruan ministri i Turizmit, Blendi Klosi, atmosferë që është ofruar tashmë prej 5 netësh në qytetin e Korçës, nga ky event turistik. Në një postim në "Facebook", ministri Klosi shprehet se ky event e ka tejmbushur qytetin me turistë nga Shqipëria dhe gjithë bota, të cilët shijojnë tingujt e muzikës nën shoqërinë e "Birra Korça", traditën që u bë festë e festën që tashmë është traditë. "Megjithëse, mesgusht, falë një organizimi të mirëdetajuar nga bashkia, ' Festa e Birrës' e ka shndërruar Korçën në hapësirën masive të shesheve të tejmbushura, hoteleve, hosteleve e guest house- ve, të gjitha të prenotuara nga të gjitha qytetet shqiptare e me shqiptarë nga gjithë bota, turistë e pushues të huaj, vizitorë e konsumatorë të festave nga vende të tjera. Për gati një javë shijohet birra dhe po aq festa, e vërtetë po aq sa hashtagu i këtij viti: # Është festa e birrës. Nuk mund të mungosh!", shkruan Klosi. Më tej, ai shprehet se kjo është përpjekja e madhe për t'i dhënë çdo qyteti festën lokale të produktit të traditës, ashtu si birra në këtë mesgusht, Korçës. "Disa kënde për festime, muzikë tradicionale, me turistë e vizitorë vendës që shijojnë prodhimet tipike e birrën e parë shqiptare, ' Birra Korça', traditën që u bë festë e festën që tashmë është traditë', shprehet ai.
NATA E FUNDIT Është mbyllur me madhështi nata e pestë dhe e fundit e Festës së Birrës, ndërsa "Birra Korça" edhe këtë vit tejkaloi të gjitha pritshmëritë dhe çdo parashikim të mundshëm. U konsumuan pafund gota me "Birra Korça" në 5 mbrëmjet që i shtuan pulsin qytetit, ndërsa tani festa vazhdon diku tjetër. Në Shtëpinë e Birrës, çdo natë kthehet në një festë me "Birra Korça". Mijëra pjesëmarrës mbushën mbrëmë sheshin para stadiumit "Skënderbeu", Pazarin e Vjetër, por edhe polin tradicional të kësaj feste, që është restoranti i "Birra Korça". Me mijëra turistë vendës dhe të huaj në këtë natë të fundit u janë drejtuar stendave të birrës së
parë shqiptare, duke shijuar litra pafund të "Birra Korça". Fuçitë e zbrazura janë rrokullisur njëra pas tjetrës me shpejtësi për t'ua lënë vendin të rejave, pasi kërkesat ishin të larta. Me një cilësi të perfeksionuar dhe origjinale, "Birra Korça" ka mundur sërish të korrë sukses dhe të jetë dominuese në festë. Nën shijen e jashtëzakonshme të "Birra Korça", nuk kanë munguar as serenatat korçare të kënduara këtë herë nga vetë pjesëmarrësit, duke shtuar edhe më tej ndjesinë e festës, ndërsa muzika dhe show e ka bërë mbrëmjen të zjarrtë. Festa, e cila u bë e njohur ndërkombëtarisht falë shijes së "Birra Korça", e ktheu këtë qytet në një destinacion turistik përgjatë 5 netëve, ku edhe hotelet e lokalet e qytetit gëlojnë nga gjallëria. Festa më e madhe verore në Shqipëri ka sjellë turistë jo vetëm nga vendi, por edhe nga jashtë, të cilët e kanë vlerësuar atë dhe krahasuar me koncertet e festat madhështore, që organizohen në vende të ndryshme të botës.