Zyrtari i DASH, takime në Tiranë: PS t’i shtrijë dorën opozitës për reformat
Ruçi: Me shumë rëndësi për rrugëtimin tonë europian, prioriteti i SHBA për mbështetjen e hapjes së negociatave me Bashkimin Eur opian
Drejtori për Europën Qendrore dhe Jugore në DASH, David Kostelancik, nisi vizitën e tij në Tiranë me kryetarin e Kuvendit, Gramoz Ruçi, për të vijuar me drejtues të lartë të politikës shqiptare.
Kostelancik nënvizoi se SHBA e konsideron Shqipqërinë si një aleat strategjik në NATO dhe e vlerëson shumë të rëndësishëm bashkëpunimin me të. Ai vuri në dukje nevojën për kryerjen e Reformës Zgjedhore dhe rekomandoi se është përgjegjësi e qeverisë që dora e shtrirë për opozitën duhet të mundësojë tërheqjen e saj në realizimin e kësaj reforme. Kryerja e Reformës Zgjedhore brenda vitit do të mundësojë edhe një Presidencë shqiptare të suksesshme të OSBE- së në vitin 2020. Drejtori Kostelancik nënvizoi mbështetjen e ShBA- ve për reformën në drejtësi. “Institucionet e reja të sistemit do t’u shërbejnë qytetarëve sot e në të ardhmen dhe do të mundësojnë që shqiptarët të jetojnë në paqe e mirëqenie. Vettingu është mbështetur dhe do të vazhdojë të mbështetet fort nga ShBA”, vuri në dukje ai. Kryetari i Kuvendit vlerësoi faktin që ShBA- të vazhdojnë ta kenë me prioritet në fokus rajonin e Ballkanit Perëndimor, çka e konfirmoi edhe emërimi nga sekretari Pompeo i z. Matthew Palmer, si i dërguar special për rajonin. “Nënvizimi nga z. Palmer në Forumin e Bledit të Slovenisë i çeljes së negociatave të BE- së me Shqipërinë, si një prioritet i ShBA, në rajon është me shumë rëndësi për ne dhe një mbështetje e madhe për rrugëtimin europian të Shqipërisë”, theksoi kryetari i Kuvendit. Drejtori David Kostelancik falënderoi kryetarin Ruçi për vlerësimin e kontributit të ShBA dhe ambasadës në Tiranë për thellimin e reformave për transformimin e Shqipërisë dhe vuri në dukje se Ballkani është me rëndësi jetike për ShBA, Shtëpinë e Bardhë, Departamentin e Shtetit dhe Sekretarin Pompeo. Kryetari i Kuvendit Ruçi i shprehu drejtorit Kostelancik mirënjohjen për mbështetjen e vazhdueshme të ShBA- së për Shqipërinë, për ruajtjen e integritetit e sovranitetit të saj në momentet vendimtare të historisë, për mbështetjen gjatë tranzicionit dhe në mënyrë të veçantë në mbështetjen e reformave kyçe për transformimim dhe shëndoshjen demokratike të Shqipërisë. Duke u ndalur në kontributin e ShBA- së në reformën në drejtësi, Ruçi nënvizoi se kjo reformë nuk do të ishte e mundur pa këtë mbështetje.
RAMA Zyrtari i lartë i DASH zhvilloi një takim gjatë orëve të pasdites dhe me Kryeministrin Rama, që ka zgjatur rreth 100 minuta, por nga takimi nuk ka dalë asnjë njoftim zyrtar. Më herët, drejtori për Europën Qendrore dhe Jugore në Departamentin Amerikan të Shtetit, Dave Kostelancik së bashku me të Ngarkuarën me Punë të SHBA në Shqipëri zonjën Leyla Moses- Ones, u takuan me kreun e grupit parlamentar të PS- së, Taulant Balla, i cili përmes një statusi në rrjetet sociale ka ndarë detaje të bisedës me zyrtarin amerikan. “Sot prita në një takim drejtorin për Europën Qendrore dhe Jugore në Departamentin Amerikan të Shtetit, zotin Dave Kostelancik, së bashku me të Ngarkuarën me Punë të SHBA në Shqipëri zonjën Leyla Moses- Ones. Për Shqipërinë, marrëdhëniet me SHBA janë të rëndësisë parësore dhe strategjike. SHBA- të janë aleati dhe partneri ynë strategjik. Partneriteti strategjik me Shtetet e Bashkuara përbën një nga themelet e politikës sonë të jashtme”, shkruan Balla. Sipas tij, qeveria shqiptare është partnere serioze e SHBA- ve. “Qeveria jonë, e drejtuar nga Kryeministri Edi Rama, është e angazhuar maksimalisht për të qenë partner i vendosur përkrah SHBA në drejtim të zhvillimeve demokratike, të ruajtjes së stabilitetit, paqes e prosperitetit në Ballkanin Perëndimor e më gjerë, të konsolidimit të ekonomisë së tregut, të luftës kundër terrorizmit, mbrojtjes së të drejtave të njeriut. Shqipëria është në prag të fillimit të bisedimeve për anëtarësim në BE, gjithashtu gjatë vitit 2020 do të ketë Presidencën e OSBE”, shkruan Balla.