Zbardhet raporti i OSBE: 30 qershori ditë paqësore, por qytetarët nën presion e pa mundësi zgjedhjeje
NGA GJYQTARET E TREMBUR PREJ VETINGUT, TE VENDIMET “E GJERA” TE KQZ E MOSBOTIMI I DEKRETEVE TE PRESIDENTIT, OSBE NUK VLERESON 30 QERSHORIN
A do shkoj te Parlamenti?! Së pari, Presidentit, si Kryetar i Shtetit, i takon të jetë shembull i bashkëpunimit institucional. Dhe besoj se në këto dy vite kam bërë gjithçka për të vendosur këtë bashkëpunim, në respekt të plotë të Kushtetutës, shtetit ligjor dhe interesit publik. Së dyti, unë mezi pres të kthehem te Parlamenti. Bazuar në nenin 16 të ligjit nr 8891, datë 2.5.2002, për organizimin dhe funksionimin e komisioneve hetimore të Kuvendit, Komisioni ka vendosur të thërrasë Presidentin e Republikës së Shqipërisë, SHTV ILIR META, për t'u paraqitur përpara komisionit ditën e hënë më datë 9.09.2019, ora 10: 00, për të dëshmuar në lidhje me rrethanat që lidhen me objektin e hetimit.
Komisioni hetimor për shkarkimin e Presidentit Meta do të marrë në pyetje kreun e shtetit ditën e hënë, në orën 10: 00.
Gazeta "Panorama" ka siguruar letrën që mban firmën e kryetarit të komisionit hetimor, Ulsi Manja, dhe që i drejtohet Presidentit Meta. "Në planin e hetimit është përcaktuar zhvillimi i një seance dëgjimore me Presidentin e Republikës, si detyrim që buron nga zbatimi i nenit 112, pika 3 e Rregullores së Kuvendit. Bazuar në nenin 16 të ligjit nr 8891, datë 2.5.2002, për organizimin dhe funksionimin e komisioneve hetimore të Kuvendit, Komisioni ka vendosur të thërrasë Presidentin e Republikës së Shqipërisë, SHTV ILIR META, për t'u paraqitur përpara komisionit ditën e hënë, më datë 9.09.2019, ora 10: 00, për të dëshmuar në lidhje me rrethanat që lidhen me objektin e hetimit", shkruhet në letrën e dërguar në Presidencë. Me sa duket, fillimi i javës së ardhshme do të ketë zhvillime të rëndësishme politike pasi edhe kreu i shtetit, Ilir Meta, ka konfirmuar pjesëmarrjen e tij në komision për t'iu përgjigjur pyetjeve të deputetëve. Nëpërmjet një statusi në "Facebook", Presidenti Meta i është përgjigjur interesit të gazetarëve, të cilët, sipas tij, e pyesin nëse do të marrë pjesë në seancën dëgjimore të komisionit hetimor për shkarkimin e tij. "Të dashur miqtë e mi gazetarë. Më ' çmendët' me sms- t tuaja, si asnjëherë tjetër. Po ç'është kjo pyetje kaq absurde që më bëni të gjithë: A do shkoj te Parlamenti?! Së pari, Presidentit, si Kryetar i Shtetit, i takon të jetë shembull i bashkëpunimit institucional. Dhe besoj se në këto dy vite kam bërë gjithçka për të vendosur këtë bashkëpunim, në respekt të plotë të Kushtetutës, shtetit ligjor dhe interesit publik. Së dyti, unë mezi pres të kthehem te Parlamenti", shkruan Meta në faqen e tij zyrtare në "Facebook". KOMISIONI
Komisioni hetimor, që ka si objekt pune verifikimin e procedurës së ndjekur nga kreu i shtetit për zhdekretimin e datës së zgjedhjeve lokale ( 30 qershor), i dërgoi ftesën për të dëshmuar në Kuvend Presidentit Meta, një ditë pasi miratoi planin e hetimit në mbledhjen e parë të këtij sesioni të ri parlamentar. Dëgjesa me kreun e shtetit është hapi i parë në planin e hetimit dhe më pas do të shqyrtohen të gjitha përgjigjet që kanë mbërritur në sekretarinë e komisionit nga institucionet shtetërore. Komisioni ka marrë përgjigje për pyetjet që ka dërguar nga Komisioni Qendror i Zgjedhjeve, Kolegji Zgjedhor, Policia e Shtetit dhe Prokuroria. Para se të dalë në një raport final për t'ia dërguar Parlamentit, komisioni do të presë opinionin paraprak dhe final të ekspertëve të Komisionit të Venecias. Ata pritet që të mbërrijnë në Shqipëri më datë 9 shtator dhe do të qëndrojnë deri më 11 shtator, ku do të bëjnë disa takime për të mbledhur fakte në lidhje me veprimet e kreut të shtetit. Opinioni i tyre do të zërë peshën kryesore në qëndrimin përfundimtarë që do të mbajë komisioni hetimor. Ky komision mund t'i drejtohet me një ose dy raporte në rast se qëndrimi i deputetëve të opozitës nuk është i njëjtë me atë të deputetëve të maxhorancës. Për të shkarkuar Presidentin Ilir Meta, maxhoranca duhet të sigurojë minimalisht 94 vota. Pasi të votohet në Parlament, do të jetë Gjykata Kushtetuese, e cila nuk është ngritur ende, ajo që do të japë verdiktin final. Ngritja e komisionit hetimor për shkarkimin e kreut të shtetit u kërkua nga një grup prej 55 deputetësh socialistë me në krye kryetarin e Grupit Parlamentar Socialist, Taulant Balla. Kjo kërkesë erdhi pas dekretit të dytë të Presidentit Meta, që anuloi zgjedhjet lokale të 30 qershorit. Sipas maxhorancës, Meta ka tejkaluar kompetencat, pasi Presidenti ka për të detyrë vetëm të caktojë datën e zgjedhjeve dhe jo t'i anulojë ato. Por Presidenti Meta, në daljet publike, është shprehur i bindur se ka vepruar sipas detyrave të tij kushtetuese dhe është shprehur i gatshëm të përballet në çdo gjykatë. Në një anë me Presidentin është edhe opozita, e cila zgjodhi të mos merrte pjesë në zgjedhjet e 30 qershorit, pasi nuk ka besim tek organizimi i tyre në mënyrë të ndershme, në një kohë që vendi qeveriset nga Edi Rama. Opozita nuk i njeh rezultatet e 30 qershorit.