Edhe popullin nën hetim parlamentar!
Qeveria serbe: Prishtina nuk ka opsion tjetër për dialog
Unë dua të sillem si qytetar me ndërgjegje të lartë politike. Se më dhemb vendi im. Nuk më turpëron fare ngatërrimi i himnit...
Dialogu mes Kosovës e Serbisë pritet të nisë në muajin dhjetor, të paktën sipas parashikimeve të diplomatëve perëndimorë, të cilët presin zgjedhjet e reja në Kosovë dhe një qeveri që të plotësojë kushtet për rinisjen e bisedimeve.
Dialogu ka ngecur për shkak të hapave që ka hedhur Serbia kundër njohjeve të Kosovës si shtet, si dhe kundërpërgjigjes së papritur dhe efikase nga Kosova, me vendosjen e një takse ndaj mallrave serbe që hyjnë në Kosovë, një lëvizje që i ka “djegur” shumë zyrtarëve serbë. Nga pala serbe nuk vjen asnjë mesazh ndryshe për një frymë konstruktive mbi rinisjen e dialogut me Kosovën. Edhe pse taksa ndaj produkteve serbe u vendos nga Qeveria e Kosovës, pikërisht si kundërpërgjigje ndaj politikave të Serbisë që nuk i shërbenin një fryme pozitive në dialogun e ndërmjetësuar nga BE, zyrtarët serbë përdorin pikërisht taksën si “pengesë” për dialogun dhe kërkojnë heqjen e saj, pa frenuar politikat kundër njohjes së Kosovës nga vende të botës apo organizata ndërkombëtare. Kryeministrja serbe, Ana Brnabic, gjatë një vizite në Luksemburg, tha se shpreson që pas zgjedhjeve në Kosovë do të mund të vazhdohen negociatat për zgjidhje afatgjate dhe të kompromisit mes Beogradit e Prishtinës. “Shpresoj që pas zgjedhjeve, do të kemi njerëz që do të jenë mjaftueshëm të guximshëm dhe të përgjegjshëm, fillimisht para qytetarëve të tyre dhe të aftë për të biseduar rreth zgjidhjes afatgjatë. Ne do të jemi aty”, tha Brnabic duke shtuar: “Nëse ndaloni qarkullimin e mallrave, atëherë nuk kemi çfarë të flasim”. Sipas saj, Prishtina duhet të tërheqë vendimin për taksën e vendosur në nëntorin e vitit të kaluar.
Lidhur me dialogun Kosovë- Serbi, Kryeministri i Luksemburgut, Xavier Bettel, tha se është e rëndësishme që Beogradi e Prishtina të vazhdojnë bisedimet dhe të arrijnë kompromis, duke përmendur se marrëveshja e të dyja palëve ishte e rëndësishme për paqen dhe rrugën e tyre drejt BE- së. Serbia i ka shpresat të larta nga personi që mund të miratohet si kryediplomati i ri i BE, Josep Borell Fontenes, politikan nga Spanja, një vend që nuk e ka njohur pavarësinë e Kosovës. Drejtori i Zyrës për Kosovën në qeverinë serbe, Marko Gjuriç, tha se Prishtina nuk pranon asgjë tjetër përpos njohjes nga Serbia, por kjo nuk do të ndodhë. Ai shtoi se pret nga ndërmjetësuesi i ri i BE- së në dialogun mes Beogradit e Prishtinës, që t’i kthejë kredibilitetin dialogut.