Afatet për taksën e re, pensionet që rimbursohen

Drejtoria e Ujësjellësit qartëson katër kategoritë që shmangin taksën e shtëpisë. Thirrja në javën e fundit dhe pse deklarimi e plotësimi i formularit ndikojnë në vlerën e taksës

Ndërkohë që kanë mbetur edhe pesë ditë afat për të plotësuar formularin e vetëdeklarimit për taksën e ndërtesës, Drejtoria e Ujësjellës Kanalizimeve në Tiranë bën thirrjen e fundit për banorët që të paraqiten pranë pikave të UKT- së në kryeqytet.

Sakaq, iu kujton banorëve, pjesë të kategorive përjashtuese, rrugën se si t’i shmangen asaj. KATEGORITË PËRFITUESE Janë katër kategori përfituese që nuk paguajnë taksën, e cila mendohet të hyjë në fuqi vitin e ardhshëm. Të parët dhe shumica e atyre që kanë shprehur vullnetin për vetëdeklarimin e sipërfaqes së ndërtesës janë kryefamiljarët, që trajtohen me pension pleqërie apo social, familjet që përbëhen vetëm nga pensionistë ose me persona në ngarkim, por që janë të paaftë për punë. Kategoria e dytë përfituese janë ndërtesat që përdoren nga bashkia, qofshin këto pronë apo jo e saj. Edhe ndërtesat e komuniteteve fetare, që funksionojnë për veprimtarinë e tyre, mund t’i shmangen taksës së re gjithashtu. Kategoria e fundit përfituese janë ndërtesat e banimit të kryefamiljarëve, që trajtohen me ndihmë ekonomike. TAKSIMI ZERO Përjashtimi nga taksa nuk ndodh vetvetiu. Poseduesit e ndërtesave nga këto katër kategori, ashtu si çdo pronë në Tiranë, qoftë banesë, dyqan a garazh ( mjafton të ketë një lidhje uji) duhet t’i nënshtrohen vetëdeklarimit për sipërfaqen e pronës. Ndryshe nga banorët e tjerë, ata që janë lënë jashtë këtij detyrimi, duhet të mundohen pak më shumë për të qenë përfitues. Nga njësia e UKT- së ku bëhet vetëdeklarimi, procedura ndiqet në njësinë administrative. Bashkë me formularin, duhet të sigurohen një sërë dokumentesh, të cilat vërtetojnë që aplikuesi që dëshiron t’i shmanget taksës së re është pjesë e një prej katër kategorive të lartpërmendura. Kusht është gjithashtu edhe të qenit jodebitor ndaj Drejtorisë së Ujësjellës Kanalizimeve.

PENALIZIMI Faza e parë e projektimit për implementimin e taksës së re është paraqitja vullnetare e familjeve për plotësimin e formularit të vetëdeklarimit mbi sipërfaqen e banesës që do të taksohet. Më pas, do të jetë vetë UKT- ja që do të nxjerrë në terren agjentët e saj, të cilët do të sigurohen që asnjë ndërtesë të mos mbetet pa u faturuar. Madje, ky proces do të shërbejë edhe për të regjistruar për së pari herë ndërtesa të reja apo njësi pronësore. Në rast se poseduesi i pronës nuk iu siguron atyre akses apo nuk gjendet në banesë, do të jenë vlerësuesit që do të marrin për bazë një sipërfaqe referuese dhe jo reale. “Nëse identifikohet het e ndërtesës/ ekzistenca, të përcaktohet njësisë por sipërfaqja nuk pronë- arrisore, uese përdoren për sipërfaqe, vlerat si refer- më poshtë vijojnë: a) 100 ( njëqind) metra katrorë sipërfaqe për njësi pronësore, për ndërtesat për banim; ( të ndërtuara pas vitit 1993). b) 70 ( shtatëdhjetë) metra katrorë sipërfaqe për njësi pronësore, për ndërtesat për banim, të privatizuara me ligjin nr. 7652, datë 23.12.1992, “Për privatizimin e banesave shtetërore”, të ndryshuar ( të ndërtuara para vitit 1993)”, citon UKT- ja në informacionin e ndarë me lexuesit e saj. Ndaj, UKT- ja Tiranë apelon qytetarët të paraqiten vetë pranë një prej 12 pikave të UKT- së për të plotësuar formularin e vetëdeklarimit, me qëllim që të taksohen në bazë të sipërfaqes reale. “Vetëm në këtë mënyrë do të taksoheni drejt për sipërfaqen dhe vlerën e saj. Afati për kryerjen e vetëdeklarimit është deri në datën 15 shtator 2019”.