Edhe popullin nën hetim parlamentar!
tim me atë të Andorrës apo Armenisë. Mjafton të mos bëhet qëllimshëm, që sigurisht nuk është bërë, pastaj të tjerat janë budallallëqe: jo ndërrova diskun, jo nuk e pashë!
Pa pikë vlere! Gjëra që rregullohen. Nuk na është kërkuar kaq shumë herë falje për një gabim njerëzor. Indianët e hodhën gabim anijen kozmike dhe Kryeministri i tyre, atje i pranishëm në sallën e komandimit, u tha: Mos u mërzisni, herën tjetër!
Por, kur shoh Presidentin e vendit tim që paraqitet për hetim te një komision Kuvendi, që të hetohet, ky është turp! Kjo është damlla. Luani jo himnin, bjeri sazeve, o Usta! Bjeri daulles edhe ti, o Çirak! Luani këngë ciganësh! Çfarë turpi! Unë mund të mos jem në shumë gjëra dakord me Presidentin, Kryeministrin a me këdo tjetër në opozitë! Por, nuk kam asnjë dëshirë t’i përdhos se përdhosem vetë!
Në ka bërë gjëra ta hetojë institucioni që heton, një më një, si çdo qytetar. Por ta hetosh sepse anuloi farsën e 30 qershorit, është një turp i madh! Çfarë të hetosh! Aty çdo gjë është e qartë! Partitë ta gjejnë me njëra- tjetrën! Ne qytetarët, socialistë a demokratë a pa parti si puna ime, që votoj herë këtej e herë andej si më duket më mirë, a nuk votoj fare, nuk duam farsa me një parti, me një kandidat! Ato nuk ishin votime! Mirë bëri që i anuloi! Në mos komisioni hetimor të marrë në pyetje edhe 90 për qind të shqiptarëve, që me mosvajtje ruajtën dinjitetin e tyre!
Dhe nuk vajtën jo sepse ishin me Partinë Demokratike sikurse gabon ndokush, as sepse donin t’i bënin qejfin opozitës, apo se nuk kuptonin demokracitë perëndimore që janë shpëtim për Shqipërinë dhe sigurinë e saj, apo të përkëdhelnin teke presidenciale.
Nuk vajtën sepse njësoj si Presidenti mendonin, mendojnë, së paku unë mendoj që ata mendojnë se 30 qershori ishte një plagë e rëndë që mori shteti shqiptar dhe demokracia shqiptare, e cila duhet riparuar sa më shpejt!
Do hetojnë deputetët militantë atë që ka dënuar partia e tyre! Pse hetim objektiv, i pavarur, i drejtë është ky?
Kur do të vijë drejtësia e vërtetë në këtë vend!
Mezi po pres SPAK- un, në është siç më premtojnë, se do të jetë që të ndahet shapi nga sheqeri.
Përndryshe, o shqiptarë mirupafshim në shekullin e 22- të!
Nuk vajtën sepse njësoj si Presidenti mendonin, mendojnë, së paku unë mendoj që ata mendojnë se 30 qershori ishte një plagë e rëndë që mori shteti shqiptar dhe demokracia shqiptare, e cila duhet riparuar sa më shpejt! Do hetojnë deputetët militantë atë që ka dënuar partia e tyre! Pse hetim objektiv, i pavarur, i drejtë është ky? Kur do të vijë drejtësia e vërtetë në këtë vend!