Mesazhi i Bashës: Nuk ka takim sa për sy e faqe e as zgjedhje me Ramën Kryeministër
"Vendi nuk ka nevojë për takim sy e faqe, por për dënimin e atyre që shkatërruan zgjedhjet”
Kreu demokrat, Lulzim Basha, e cilësoi shfaqje deklaratën e Kryeministrit Rama për të shkuar në selinë blu e për t'u takuar.
Një intervistë për emisionin "Kjo javë" në "News 24", me gazetaren Nisida Knezi, kryetari i Partisë Demokratike ka mohuar çdo mundësi për marrëveshje të fshehtë me maxhorancën. Sipas Bashës, çdo gjë do duhet të bëhet transparente për të gjithë qytetarët dhe vetëm për interesat e vendit. Për kryedemokratin, 9 kërkesat e Bundestagut gjerman, përveçse janë kritere për anëtarësimin e vendit në BE, janë gjithashtu edhe udhërrëfyesi për gjetjen e zgjidhjes së krizës politike në vend. Lideri i opozitës theksoi se qëndrimi i të gjitha partive që dolën jashtë Parlamentit, vijon të jetë i unifikuar dhe kërkesa për zgjedhje të parakohshme parlamentare, njëkohësisht me zgjedhjet vendore të organizuara nga një qeveri tranzitore pa Edi Ramën Kryeministër, vijon të mbetet e pandryshuar dhe pikënisja për të zgjidhur krizën. Basha iu rikthye edhe një herë çështjes së lënies së mandatave, duke theksuar se ishte një vendim jo normal në një situatë anormale, pasi maxhoranca ia kishte mohuar opozitës të gjitha mundësitë për të gjetur një zgjidhje të krizës brenda institucioneve. Më tej, numri një i PD- së u shpreh se opozita vijon të ketë besim te Reforma në Drejtësi, dhe edhe pse nga maxhoranca ka pasur disa tentativa për ta kapur, ai rikonfirmoi mbështetjen për ngritjen e Prokurorisë speciale, SPAK.
Ky është një tetor vendimtar për hapjen e negociatave. Ju e vazhdoni mobilizimin tuaj si opozitë, por protestat masive të opozitës kanë munguar. Është kjo në funksion të negociatave apo ka edhe diçka tjetër?
Opozita është në krye të detyrës, në një moment shumë kritik që po kalon vendi. Këto janë pasojat e një politike të gabuar të një shteti të falimentuar dhe të një partie në pushtet, të kapur nga krimi dhe të zhytur në korrupsion. Ndërsa shkaku i vërtetë i kësaj krize është asgjësimi i zgjedhjeve të lira e të ndershme. Në këtë kuadër, aksioni ynë nuk është mjaftuar vetëm me protesta, por edhe me një aktivitet të ngjeshur me faktorin ndërkombëtar. Këto protesta do të vijojnë pas 17 tetorit? Axhenda e protestave është në funksion të objektivave politikë, që një forcë politike apo një koalicion ka. Pra, nuk është se janë stopuar. Protesta ka pasur përditë. Opozita është gjithmonë në krah të qytetarëve që protestojnë.
Cili është komenti juaj në lidhje me 9 kushtet e Bundestagut? Këto 9 pika janë një ' Po' me kushte, apo një ' Jo' inkurajuese?
E rëndësishme është të kuptojmë që Shqipërisë, në vend që t'i pakësohen, i janë shtuar kushtet. Ky nuk është dështimi as i Shqipërisë, as i shqiptarëve. Ky dështim ka emrin, firmën dhe vulën e Edi Ramës dhe qeverisjes së tij.
Ju çfarë angazhimi keni pasur që Shqipërisë t'i hapen negociatat? Ju personalisht dhe në emër të PD- së?
Ne, me partitë tona simotra, kemi bërë të qartë që prej fillimit, se për krizën politike ku ndodhet Shqipëria, është më e rëndësishme hapja e negociatave si një instrument shtesë i presionit mbi keqqeverisjen, si një kontroll i shtuar mbi kapjen e shtetit, sesa izolimi i vendit. Megjithatë, dua të them se rezervat, skepticizmi i vendeve anëtare është shtuar, siç është shtuar roli i krimit të organizuar shqiptar në vendet e tyre. Në këtë kuadër, 9 kushtet e Bundestagut përbëjnë një udhërrëfyes për daljen e vendit nga kriza politike.
Ju keni thënë që "në emër të PD dhe Opozitës së Bashkuar, garantoj të gjithë shqiptarët se do të bëjmë gjithçka që vendit tonë t'i hapen negociatat sa më parë". Deri më sot, a është bërë kjo "gjithçka", me aq sa ka në dorë opozita për të bërë?
Detyrat janë të qeverisë. Përgjegjësia është e qeverisë, përgjegjësia është e Edi Ramës. Por ne si opozitë nuk kemi pritur dhe nuk jemi thjesht në pozitat e të treguarit me gisht përgjegjësitë, por kemi propozuar një plan masash për nxjerrjen e vendit nga kriza.
Nëse protestat masive do të vijonin, a do të ishin këto një minus për Shqipërinë?
Në rastin e Shqipërisë, protestat janë garancia, se, pavarësisht kapjes së shtetit, përqendrimit të të gjitha pushteteve në duart e një njeriu, ato janë një shprehje e demokracisë, janë një shprehje e lirisë themelore të qytetarëve. Në këtë kuadër, mendoj se protestat kanë treguar se shqiptarët janë një popull europian, që nuk pranon rënien e demokracisë.
Dy kushtet kryesore prioritare janë Reforma Zgjedhore dhe ngritja e Gjykatës së Lartë dhe Kushtetuese, kur i shihni të realizuara?
Gjykata Kushtetuese dhe Gjykata e Lartë janë jofunksionale prej një kohe të gjatë. Kjo nuk ka ndodhur rastësisht. Opozita, Partia Demokratike, prej kohësh, kanë insistuar për një zbatim të Reformës në Drejtësi, që ne e kemi votuar në nivelin kushtetues, në mënyrë të tillë që të mos e linte vendin pa Gjykatë. Ndaj, e rëndësishme është që këto dy gjykata të jenë funksionale sa më shpejt.
Pati një pritshmëri ndërkombëtare këtu, nga fakti që përfaqësues të Partisë Demokratike shkuan për takimin për Reformën Zgjedhore në tavolinën e organizuar nga OSBE, përmend këtu deklaratën e Trojkës, OSBE, Ambasadës Amerikane; çfarë kërkon Partia Demokratike realisht për të arritur?
Ne ishim të vetmit që shkuam në këtë tryezë, të përgatitur me një plan dhe një propozim konkret. Çfarë do të thotë Reformë Zgjedhore? Do të thotë në radhë të parë disa ndryshime në ligj, të cilat duhen bërë në mënyrë transparente dhe të konsultuar dhe së dyti, do të thotë vullnet politik për të zbatuar gjithçka që palët bien dakord; që nga sistemi zgjedhor deri te rregullat për të dënuar ata që blenë votat. A u lexua si një hap përpara pjesëmarrja e Ivi Kasos aty? Pjesëmarrja e zotit Kaso ishte e rakorduar në emër të opozitës së bashkuar. Pa dyshim, ishte shenjë e vullnetit tonë. Sepse tashmë e kemi të qartë se Reforma Zgjedhore duhet jo thjesht dhe vetëm për ta çuar vendin një orë e më parë, pa asnjë vonesë drejt zgjedhjeve të parakohshme parlamentare në një ditë me zgjedhjet vendore, sipas Kushtetutës.
Çfarë do të lëshonte PD për ta zgjidhur këtë krizë, konkretisht?
PD nuk kërkon asgjë për veten e saj, as për aleatët tanë. Opozita e bashkuar nuk ka asnjë kërkesë për veten tonë, për partitë tona. Të gjitha kërkesat tona janë për të zgjidhur krizën për t'u shërbyer qytetarëve shqiptarë. Kur ne kërkojmë zgjedhje të lira e të ndershme, do të thotë që kërkojmë që qytetarët tanë të kenë mundësi të votojnë të lirë nga presioni, të kenë mundësi të votojnë të lirë nga kërcënimi për tjetërsimin e rezultatit, të mos jenë subjekt i blerjes së votës, të mos shkarkohen nga puna se nuk votojnë partinë në pushtet. Pra, sa i përket Reformës Zgjedhore, por edhe kërkesave të tjera të opozitës, të PD, asgjë nuk kërkohet për veten tonë apo në emrin tonë. Gjithçka që kërkojmë është në emër të interesit publik, është në emër të qytetarëve shqiptarë.
Z. Basha, është shprehur Kryeministri Rama se jam i gatshëm t'i shkoj kryetarit të PD në zyrë në çfarëdolloj orari, mjafton që të më pranojë. Çfarë do t'ju bënte ta pranonit Ramën në zyrën tuaj?
Asgjë! Sepse kjo tregon që Edi Rama nuk është i interesuar të zgjidhë krizën, por është i interesuar për një shfaqe tjetër. Nuk do të uleshit asnjëherë me Edi Ramën përballë? Vendi nuk ka nevojë për një takim për sy e faqe. Vendi ka nevojë për rrugëdalje nga kriza dhe kjo nuk bëhet me shfaqje, por bëhet me zgjedhje të lira e të ndershme, me Reformë Zgjedhore, me dënimin e atyre që kanë shkatërruar zgjedhjet e 2017, 2015, 2016. Hetimin e plotë të çdokujt në dosjet e famshme "339", "184".
Ka zëra që flasin për një marrëveshje PS- PD. A ka pasur tentativa për një marrëveshje PS- PD?
Nuk ka dhe nuk do të ketë më marrëveshje PS- PD. Edi Rama duhet t'i hapë rrugë zgjidhjes së krizës politike, propozimin sa i përket reformës e ka në tavolinë ose të hapë krahun.
Kishte njëfarë negocimi për ta zgjidhur këtë krizë dhe diçka nuk shkoi mirë, diçka dështoi?
Pa dyshim. Dihet mirë që ka pasur një ofertë të qartë nga partnerët ndërkombëtarë për ta zgjidhur krizën. Por, edhe atëherë, Edi Rama vuri interesat e veta mbi interesat e qytetarëve shqiptarë dhe procedoi me një proces monist, fals dhe kriminal, për kapjen me dhunë të pushtetit vendor.
Pra, bëhet fjalë për zgjidhje të krizës me sytë nga ndërkombëtarët, jo për ta zgjidhur nga brenda vendit, ashtu siç, në fakt, ata gjithmonë kanë artikuluar?
Zgjidhja kërkon vullnetin e palëve. Nuk ka zgjidhje që vjen nga jashtë, por roli i faktorit ndërkombëtar ka qenë dhe është përcaktues për të ndihmuar në arritjen e kësaj zgjidhjeje.
Kryetarja e LSI, zonja Kryemadhi, artikulon qartë se "nuk
Unë besoj se sistemi sesi shqiptarët zgjedhin pushtetin qendror dhe pushtetin vendor, ka vend për përmirësime të dukshme. Personalisht, besoj se në këtë fazë të demokracisë shqiptare kemi nevojë për një dhomë të dytë, për një senat. Personalisht kam parashtruar disa herë idenë e një sistemi maxhoritar, qoftë edhe një sistemi kombëtar proporcional.
e ka problem dialogun apo zgjedhjet me Edi Ramën Kryeministër". A hyni ju në zgjedhje me Edi Ramën Kryeministër?
Opozita e bashkuar ka një platformë për ta arritur këtë, një qeveri tranzitore, që garanton zbatimin e rregullave ekzistuese dhe çfarëdo rregullash shtesë mund të nevojiten sipas rekomandimeve të OSBE- ODIHR. Kjo qeveri tranzitore është pa Edi Ramën? Pa diskutim. Ky është propozimi ynë. Ky është kontributi ynë për ta çuar vendin drejt zgjedhjeve të lira e të ndershme.
Ju, si kryetar i opozitës, si e lexoni Monika Kryemadhin, kur thotë që ulem me Ramën…?
Nuk ka nevojë ta lexoj fare zonjën Kryemadhi, sepse opozita e bashkuar ka një dokument politik të miratuar nga forumet më të larta. Pra, nuk ka ndryshim nga ana e LSI- së? Siç ua ka konfirmuar edhe kryetarja e LSI, nuk ka asnjë ndryshim.
Pra, ky kusht vazhdon të jetë për ju dhe për Partinë Demokratike? Është një qëndrim i rakorduar i Opozitës së Bashkuar. Pas çdo takimi me ndërkombëtarët, ju nuk i komentoni takimet me ta. A ka sot një tentativë nga ata për të zgjidhur krizën?
Mendoj se është në dritën e diellit një konsensus i faktorit ndërkombëtar euroatlantik, perëndimor, që në Shqipëri ka një krizë të thellë, që kjo krizë duhet zgjidhur dhe se një nga burimet kryesore te krizës janë zgjedhjet.
Nëse do të ktheheshit pas në kohe, a do ta ndërmerrnit përsëri vendimin e djegies së mandateve?
Djegia e mandateve ishte një veprim i detyruar nga abuzimi total i qeverisë, i Edi Ramës. Opozita nuk kishte asnjë instrument për të ndalur abuzimin me pushtetin, edhe kur u mbyll çdo rrugëdalje institucionale nga kriza, cila mund të ishte një rrugëdalje. Të ndëshkoheshin autorët e ' 339' dhe ' 184'. Të shkonin përpara drejtësisë dhe të merrnin dënimin, atë që kërkon sot Bundestagu, por nuk ndodhi. Në këto kushte, e bëmë një përpjekje të fundit, të cilën, për fat të mirë, ka regjistruar edhe Raporti i OSBE/ ODIHR, e çuam ligjin për vetingun e politikanëve. Komisioni i Venecias gjykoi që në kushtet