Pas lajmeve për ndarje Tuna Sejdiu e provon përsëri me Patrisin, vendos ta ndjekë në SHBA

Patris Berisha prej disa muajsh po qëndron në SHBA për shkak të profesionit të tij, si instrumentist. Duke qenë se prej kohësh ai nuk është takuar me bashkëshorten këngëtare, Tuna dhe djalin e tij, Tian, shumë dyshuan se ky largim i Patrisit nuk ishte vetëm për punën.

Në media u aludua se ai dhe Tuna i kishin dhënë fund marrëdhënies së tyre disavjeçare, ndaj Berisha kishte vendosur të ikte sa më larg. Patrisi publikoi një foto të Tianit duke treguar se kishin mbetur 10 ditë nga takimi i tyre. Së fundmi instrumentisti e ka theksuar se mes tij dhe Tunës do ketë diçka të një postimi në ‘ Instagram’. Patrisi ka zbuluar se ditën e sotme ai do të ketë mundësinë të takojë familjen e tij, sepse Tuna dhe Tiani janë duke udhëtuar drejt Amerikës. Ai ka publikuar në ‘ Instagram’ një foto të këngëtares dhe djalit të tyre shoqëruar me mbishkrimin: “Ata po vijnë. Ka mbetur vetëm 1 ditë. Mezi po pres të shikoj familjen time të bukur”. Lajmi se pas Robert Berishës dhe Nora Istrefit, janë ndarë dhe çifti tjetër VIP brenda familjes Berisha, nisën të qarkullonin para një muaji. Dyshimet lindën pasi Tuna u pa të pushonte pa Patrisin në ishullin afrikan ‘ Mauritius’ në Oqeanin Indian, nga ku po postonte foto e video të aventurave atje. Nga ana tjetër edhe Patrisi ndodhej në Shtetet e Bashkuara të Amerikës, nga ku postonte foto të djalit, për të cilin ndjehej i përmalluar.

Duke u nisur nga lajmet që nisën të qarkullonin në portale, Tuna bëri statusin se “në 2019- ën, robi mund të pushojë edhe vetëm”, por e la me dyshim çështjen e Patrisit. Sipas miqve të çiftit është pak e çuditshme që Tuna dhe Patrisi të jetojnë të ndarë, që do të thotë se ata tashmë kanë marrë një vendim për mbylljen e marrëdhënies së tyre. 34- vjeçarja u nis për pushime së bashku me miken e saj dhe jo me bashkëshortin, dhe kjo shenja e qartë sed ajo sapo ka mbyllur kapitullin e martesës. Në fakt nuk ishte hera e parë që 34- vjeçarja nga Shkupi të përflitet për ndarje nga instrumentisti i muzikës klasike nga Prishtina, Patrisi. Ata patën një krisje të fortë në 2017- ën, dhe një tjetër vjeshtën e vitin të kaluar. Në atë kohë mediat e komentuan Tunën, si “nusja që futi në sherr vëllezërit Berisha, nga konflikti për fëmijën jashtë martese deri te zënia me forcë e banesës”.

Kujtojmë që konflikti në familjen e vëllezërve muzikantë Berisha, Robert dhe Patris ishte kryetema e mediave për javë të tëra. Pas deklaratës në ekran të bashkëshortit të Tuna Sejdiut se “Vëllau është si shkjau”, i cili mbante anën e gruas në këtë konflikt të brendshëm familjar, pati shumë komentues, të cilët e konsideruan këtë një deklaratë nga më të fortat që vëllai mund të bëjë për vëllain. I ftuar në “Xing me Ermalin”, çifti Tuna- Patris u pyetën nga Ermal Mamaqi për konfliktin e bujshëm mes Tunës dhe Robertit dhe Patrisi u përgjigj se “vëllau është si shkjau ( hasmi)”, një shprehje që përdoret në Kosovë. Por nuk vonoi Roberti me reagimin e tij pas kësaj deklarate.

I ftuar në emisionin “Rreze dielli”, Robert Berisha u shpreh: “Janë disa thënie të këtij lloji në Kosovë dhe e kam menduar si shaka, duke qenë se e njoh Patrisin shumë mirë, i cili është çun shumë i mirë dhe pozitiv. Gjithsesi, Patrisi e tha atë që duhet me thënë. Mua m’u dukën shumë mirë aty dhe shpresoj që t’i shoh gjithë jetës mirë! Secili ka familjen e vet”, u shpreh Roberti. Por tashmë që familjet e dy vëllezërve janë shpërbërë, si qëndron e vërteta e ftohjes së marrëdhënies së vëllezërve, për shkak nuseve të tyre? Dihet që Nora dhe Tuna dikur shoqe të ngushta të muzikës, për sa kohë që u bënë kunata ato nuk flisnin me njëra- tjetrën.