NJOFTIMI PËR PRESIDENTIN
“Në sfondin e një procedure aktuale të shkarkimit të Presidentit shqiptar Ilir Meta, për shkak të shtyrjes së zgjedhjeve lokale përtej mandatit zgjedhor të autoriteteve lokale, ekspertët kushtetues të Këshillit të Evropës në Komisionin e Venecias konkludojnë se ndërsa Presidenti mund të ketë vepruar përtej kompetencave të tij kushtetuese, ka indikacione se veprimet e tij mund të mos kenë qenë të një natyre që të justifikojnë shkarkimin. Sipas mendimit të miratuar sot, i cili ishte kërkuar nga kryetari i Parlamentit shqiptar, Gramoz Ruçi, Komisioni i Venecias vëren se Presidenti shqiptar nuk mund të anulojë zgjedhjet pa konsensus politik. Edhe në rast të gjendjes së jashtëzakonshme, siç është lufta apo katastrofat natyrore, Parlamenti do të duhet të miratojë një legjislacion ‘ ad hoc’ për të shtyrë zgjedhjet. Në përgjigje të krizës politike në vend dhe një bojkoti zgjedhor nga disa parti të mëdha politike, Presidenti fillimisht anuloi dhe më pas shtyu zgjedhjet lokale. Edhe nëse Parlamenti do të konstatonte se Presidenti tejkaloi kompetencat e tij, Komisioni i Venecias vë në dyshim nëse ky ishte i një karakteri të tillë për t’u konsideruar si ‘ shkelje serioze’. Ekspertët nënvizojnë thirrjet e Presidentit për dialog dhe pritjen e tij se shtyrja e zgjedhjeve mund të kishte kontribuar në një kompromis midis palëve. Ata theksojnë mungesën e një sfide të drejtpërdrejtë të Dekreteve të Presidentit përpara gjykatës. Për më tepër, zgjedhjet lokale nuk kanë të njëjtin status kushtetues si zgjedhjet parlamentare. Ekspertët thonë se edhe nëse Kuvendi do të përcaktonte seriozitetin e shkeljeve, kjo nuk duhet domosdoshmërisht të çojë në shkarkim, duke marrë parasysh fuqinë e Sesionit Plenar të Kuvendit që duhet të kujdeset për qëllimet e tjera kushtetuese, siç janë mbajtja e kontrolleve, ekuilibrave dhe stabilitetit në vend. Nëse Asambleja ( parlamenti) do të vendoste në favor të shkarkimit, në fund do t’i takonte Gjykatës Kushtetuese, e cila aktualisht nuk funksionon, të konfirmojë nëse vendimet e Presidentit janë me ‘ shkelje serioze’, që do të justifikonin shkarkimin e tij”.