ZGJEDHJET E PARAKOHSHME
Me një udhëzim që është shpërndarë në fillim të këtij muaji, kreu i selisë blu ka zgjatur deri në fund të tetorit afatin e punës të koordinatorëve që u shpërndanë në korrik të këtij viti në të gjithë vendin për riorganizimin e partisë. "Ju bëjmë me dije që krahas detyrave qe keni në degët ku zhvilloni aktivitetin tuaj, do të vazhdoni të jeni koordinatorë në degët e caktuara në Urdhrin nr. 108, dt. 12.07.2019, edhe për ndjekjen e Udhëzimit nr. 141 Prot., datë 29.09. 2019, të Kryetarit të Partisë ' Mbi evidentimin e votuesve të Partisë Demokratike që angazhohen të marrin përgjegjësi si anëtarë partie", shkruhet në udhëzimin e PD- së të siguruar nga gazeta "Panorama". Sipas Bashës, situata në të cilën ndodhet vendi bën urgjente nevojën e verifikimit të listës elektorale në territorin e QV, që secili prej koordinatorëve mbulon.
ZGJEDHËSIT Kryetari i Partisë Demokratike, Lulzim Basha, ka udhëzuar koordinatorët dhe kryetarët e degëve që ta ndajnë punën me dy faza. Sipas dokumentit të siguruar nga gazeta "Panorama", në 15- ditëshin e parë duhet të identifikohen votuesit tradicionalë të Partisë Demokratike dhe të ribëhen edhe një herë listat ku të përfshihen qendra e votimit dhe numri i telefonit. "Kryetari i grupseksionit, në bashkëpunim me kryetarët dhe dekretarët e seksioneve, verifikojnë listat e zgjedhësve, kryejnë identifikimin e votuesve në terren duke i përcaktuar adresën, si dhe: Identifikojnë për çdo QV, votuesit tradicionalë të sigurt të Partisë Demokratike. Identifikojnë nëse votuesit tradicionalë të sigurt të Partisë Demokratike vazhdojnë apo jo të jenë në territorin që mbulon Qendra e Votimit. Nëse nuk janë më banorë të asaj QV, identifikohet zona ku kanë lëvizur brenda territorit të Degës ( përcaktohet QV që e mbulon territorin), brenda territorit të Shqipërisë ( përcaktohet qyteti apo fshati përkatës), apo nëse kanë emigruar jashtë Shqipërisë ( nëse dihet shteti apo qyteti specifikohet). Kontaktojnë votuesit tradicionalë të sigurt të PD për të garantuar vijimin e mbështetjes për PD. Regjistrojnë në listën e zgjedhësve votuesit tradicionalë të sigurt të PD dhe plotësojnë me numrin e telefonit listën vetëm për votuesit tradicionalë të sigurt", thuhet në dokumentin e shpërndarë nga selia blu. Porosia tjetër e kryetarit të PD- së, Lulzim Basha, për koordinatorët dhe për kryetarët e degëve është që të bëjnë anëtarësime të reja në Partinë Demokratike. Pasi të jetë vendosur kontakti me votuesit tradicionalë, Basha sugjeron që të ftohen për t'u anëtarësuar në PD. Por asnjë person nuk mund të bëhet anëtar i PD- së pa plotësuar më parë formularin. "Identifikojnë votuesit tradicionalë të sigurt të PD, që nuk janë anëtarë partie. Rimarrin kontakt me votuesit tradicionalë të sigurt të PD, që nuk janë anëtarë, për t'i ftuar të angazhohen me përgjegjësinë e anëtarit në Në mbledhjen e parë të zhvilluar me strukturat më të larta drejtuese për këtë sezon, kryetari i Partisë Demokratike, Lulzim Basha, u tha të tijve se kriza politike është drejt fundit. Ndaj, ai i porositi që të organizojnë strukturat dhe të jenë gati për zgjedhje të parakohshme. Ndërkohë, për protestën e radhës do të diskutohet pas vendimit të Këshillit të Europës për hapjen e negociatave. strukturat e Partisë Demokratike. Është e preferueshme që votuesit që ftohen të marrin përgjegjësitë si anëtarë partie, të gatshëm për të përmbushur aktivisht përgjegjësitë dhe të drejtat e anëtarit, veçanërisht të jetë aktiv në veprimtarinë politike dhe elektorale të PDSH- së, si dhe të ndjekë jetën e brendshme organizative të saj", thuhet në dokument.
GRATË Në procesin që do të zgjasë deri më 31 tetor, kryedemokrati Basha kërkon që jo më se 30% e anëtarësimeve të reja të jenë femra. Po kështu, Basha kërkon edhe angazhimin e të rinjve të PD- së, duke afruar të rinjtë nga mosha 15 deri më 25 vjeç. Në këtë proces do të përfshihet Lidhja Demokratike e Gruas, nëpërmjet strukturave të saj në degë dhe nivel grup seksioni, me synimin që jo më pak se 30 % e anëtarëve të rinj të jenë femra. Procesi i angazhimit të Lidhjes Demokratike të Gruas monitorohet nga kryetarja e LDG në PDSH. Forumi Rinor i Partisë Demokratike, nëpërmjet kryetarëve të degëve dhe kryetarëve të FRPD në çdo grupseksion, identifikon të rinjtë e moshës 15- 25 vjeç, me fokus të veçantë të rinjtë që fitojnë të drejtën për të votuar brenda 2019", shkruhet në dokumentin me porosi.