REKOMANDIMET E KOMISIONIT TE VENECIAS

Projektligji në versionin e tij aktual nuk ka qartësi dhe saktësi, për shkak të mungesës së përkufizimeve dhe fuqisë rregulluese shumë të gjerë që i njeh Këshillit të Ministrave, mungesa e hapave themelorë proceduralë dhe afatet e përcaktuara qartë për mbajtësit e titujve. Ekziston një rrezik i lartë që projektligji mund të ngre çështje të pajtueshmërisë me nenin 1 të Protokollit të Parë të KEDNJ, si dhe me Kushtetutën shqiptare. Në veçanti, nenet 7 dhe 9 të projektligjit janë në thelb të paqarta dhe të pasakta dhe për këtë arsye paraqesin një rrezik të lartë që zbatimi i tyre do të çojë në shkelje të Konventës Evropiane për të drejtat e njeriut. Prandaj, Komisioni fton ligjvënësin të rishqyrtojë projektligjin dhe të marrë parasysh, në veçanti rekomandimet e mëposhtme: Të rishikojë nenet 7 dhe 9 dhe artikujt në lidhje me to, duke marrë parasysh që titujt bujqësorë në formën e AMTP si dhe përdorimi i vazhdueshëm i tokës me shpresën e ligjshme për t'u pajisur me AMTP përbëjnë pronë të mbrojtur sipas nenit 1 të protokollit 1 të KEDNJ. Të përcaktojë në vetë p/ ligjin mangësitë që parandalojnë vërtetimin e AMTP- ve, si dhe të kufizojë hapësirat rregulluese në dispozicion të Këshillit të Ministrave në nivelin strikt të domosdoshëm. Të parashikohen në p/ ligj afate të sakta për mbajtësit e titujve dhe hapat themelorë proceduralë, veçanërisht kur lidhen me transferimin e titujve të pronave bujqësore. Të përfshijnë në p/ ligj përcaktimet thelbësore për titujt e pronave bujqësore. Të përcaktohen në p/ ligj rregullat për paraqitjen e provave, aksesin në prova dhe të drejtën për t'u dëgjuar para vendimit të autoriteteve për të shpallur të pavlefshëm AMTP. Të zhvillohen konsultime publik me të gjitha palët e interesuara.