“Shegët ulin presionin e gjakut dhe mund të luftojnë kancerin e prostatës”
Përfitimet shëndetësore
SShegët janë një nga frutat më të shëndetshme në tokë. Studimet kanë treguar që ato sjellin shumë përfitime shëndetësore, sidomos në reduktimin e rrezikut për shfaqjen e sëmundjeve të ndryshme. Shegët janë të pasura me nutrientë të rëndësishëm si fibër, proteina, vitaminë C, Vitaminë K dhe kalium. Më poshtë do të gjeni disa nga këto përfitime: Shegët kanë veti impresive antiinflamtore Inflamacioni kronik është një nga shkaqet që çon në shfaqjen e shumë sëmundjeve kronike. Kjo përfshin: sëmundjet e zemrës, kancerin, tipin 2 të diabetit, sëmundjen e Alzhaimerit madje edhe obezitetin.
SHEGËT MUND TË LUFTOJNË KANCERIN E PROSTATËS
Kanceri i prostatës është një nga llojet që prek më së shumti meshkujt. Studimet laboratorike sugjerojnë që ekstrakti i shegës mund të ngadalësojë përhapjen e qelizave kanceroze, madje dhe të nxisë "vdekjen" e qelizave kancerogjene. Pra, me pak fjalë, provat paraprake tregojnë që lëngu i shegës mund të jetë mjaft dobiprurës për meshkujt që janë të prekur nga kanceri i prostatës, duke ndikuar në parandalimin e përhapjes së mëtejshme të kancerit, si dhe duke ulur shanset që personi i prekur të vdesë. Megjithatë, studime të mëtejshme janë të nevojshme. Shegët gjithashtu mund të sjellin përfitime edhe për personat e prekur nga kanceri i gjirit. Kanceri i gjirit prek më së shumti femrat. Ekstrakti i shegës mund të ndalojë riprodhimin e qelizave kancerogjene. Megjithatë, provat për momentin janë të limituara në studimet laboratorike.
SHEGËT MUND TË ULIN PRESIONIN E GJAKUT
Presioni i lartë i gjakut ( Hipertensioni) është një nga shkaqet që çon në infarktet e zemrës dhe goditjet. Sipas një studimi, njerëzit me hipertension kishin një reduktim të dukshëm të presionit të gjakut, pasi kishin konsumuar 150 ml lëng shege ( të freskët) çdo ditë për dy javë. Studime të tjera kanë gjetur efekte të ngjashme, sidomos për presionin sistolik të gjakut.
Shegët ndihmojnë në luftimin e artritit dhe dhimbjes së nyjave
Artriti është një nga problemet shëndetësore më të përhapura në shtetet perëndimore. Ka shumë lloje, por shumica përfshijnë disa forma inflamacioni në nyje.
Për shkak se përbërjet bimore në shegë kanë efekte antiinflamatore, ato mund të ndihmojnë në trajtimin e artritit. Interesante është fakti që ka disa studime laboratorike të cilat sugjerojnë që ekstrakti i shegës mund të bllokojë enzimat që dëmtojnë nyjat te njerëzit me osteoartrit. Ky ekstrakt ka treguar gjithashtu që lehtëson artritin te minjtë, por deri tani, provat e testuara te njerëzit janë shumë të limituara.
LËNGU I SHEGËS MUND TË ULË RREZIKUN PËR SËMUNDJEN E ZEMRËS
Sëmundjet e zemrës janë shkaku më i zakonshëm për vdekjet e parakohshme kudo në botë. Një sëmundje e komplikuar, që ka shumë faktorë të ndryshëm. Acidi Puninik, acidi yndyror kryesor te shegët, mund t'ju mbrojë nga sëmundjet e zemrës në shumë hapa të procesit të shfaqjes së tyre. Në një studim 4- javor, të 51 njerëz me nivele të larta trigliceridesh treguan që rreth 800 mg vaj të farave të shegës çdo ditë, uli në mënyrë të konsiderueshme trigliceridet dhe përmirësoi raportin trigliceride- HDL. Një tjetër studim, pa efektet e lëngut të shegës te njerëzit me tipin 2 të diabetit dhe kolesterolin e lartë. Ata panë reduktim të dukshëm në kolesterolin e keq "LDL", si dhe përmirësime të tjera. Në fund, një analizë kërkimore doli në përfundimin që lëngu i shegës redukton presionin e lartë të gjakut, i cili është një nga faktorët kryesorë që çojnë në shfaqjen e sëmundjeve të zemrës.
Shegët ndihmojnë në luftimin ndaj infeksioneve bakteriale dhe fungale
Përbërjet bimore në shegë mund të ndihmojnë në luftimin e mikroorganizmave të dëmshëm. Për shembull, ato kanë treguar që mund të "mposhtin" disa lloje bakteresh, si edhe majane e Candida albicans. Efektet antibakteriale dhe antifungale mund t'ju mbrojnë kundrejt infeksioneve dhe inflamacioneve në gojë.
SHEGËT MUND T'JU NDIHMOJNË NË PËRMIRËSIMIN E MEMORIES
Ka disa prova që shegët mund të përmirësojnë kujtesën. Referuar një studimi të kryer te pacientët që kishin bërë operacion, zbuloi që 2 gr ekstrakt shege parandalonte deficitet në memorie pas kirurgjisë. Një tjetër studim te të rriturit 28- vjeçar me ankesa lidhur me memorien, zbuloi që 237 ml lëng shege çdo ditë, përmirësoi dukshëm memorien verbale dhe vizuale. Studimet te minjtë sugjerojnë gjithashtu që shega mund të ndihmojë në luftimin e sëmundjes së Alzhaimerit.
SË FUNDMI…
Shegët janë një nga frutat më të shëndetshme në planet, të paketuara me nutriente dhe përbërje bimore të fuqishme. Ato kanë një sërë përfitimesh ku përfshihen: mund të reduktojnë rrezikun e shumë sëmundjeve serioze përfshirë sëmundjet e zemrës, kanceri, artriti dhe gjendje të tjera inflamatore. Si dhe ndihmojnë në përmirësimin e kujtesës dhe performancës së ushtrimeve. Nëse doni të merrni sa më shumë përfitime nga shega, është mjaft e thjeshtë: Ose hani farat/ kokrrat që gjenden brenda frutit ose pini lëng shege.
Kanceri i prostatës është një nga llojet që prek më së shumti meshkujt. Studimet laboratorike sugjerojnë që ekstrakti i shegës mund të ngadalësojë përhapjen e qelizave kanceroze, madje dhe të nxisë "vdekjen" e qelizave kancerogjene