PAS SHTYRJES, KOMISIONI RINIS PUNËN ME OPINIONIN FINAL TË "VENECIAS"
Komisioni Hetimor parlamentar i ngritur me kërkesën e maxhorancës do të rifillojë punën e tij menjëherë pasi të ketë shqyrtuar opinion final të Komisionit të Venecias. Ky dokument që mbërriti ditën e hënë, ishte shkaku që shtyu punimet e këtij komisioni me dy muaj. Anëtarët e këtij komisioni do të kenë kohën e duhur për ta parë me imtësi opinionin final të Komisionit të Venecias për të kaluar më pas në diskutim dhe në votim, nëse veprimet e Presidentit Meta do të konsiderohen dhe t'i kalojnë sallës së Kuvendit për votim. Kërkesa për opinion nga Komisioni i Venecias u bë nga kryetari i këtij Komisioni Hetimor, Ulsi Manja, pasi Presidenti Meta iu përgjigj pyetjeve të anëtarëve, duke dhënë arsyet e tij për vendimmarrjen dhe duke ngulmuar se nuk kishte vepruar në shkelje të Kushtetutës. Kreu i grupit parlamentar të PS- së, Balla, e la të hapur mundësinë që çështja të kalojë në Kuvend dhe pasi të marrë numrin e nevojshëm të votave, të kalojë për në hallkën përfundimtare, që është Gjykata Kushtetuese. Vetëm pasi të marrë 94 vota në Parlament, çështja e shkarkimit të Presidentit Meta mund t'i kalojë Gjykatës Kushtetuese. Kjo e fundit do ta marrë çështjen në shqyrtim pasi të përfundojë procesi i ringritjes së saj. tetuese që duhet të vendosin nëse këto janë shkelje mjaftueshëm të rënda sipas nenit 90 për shkarkimin e Presidentit. Kuvendi dërgoi pyetjet dhe ka marrë përgjigjet. Komisioni i Venecias ka përcaktuar qartë se ka vepruar në kundërshtim me Kushtetutën, sepse çdo veprim i bërë në mungesë të një baze ligjore, është shkelje ligji. Prandaj, pas marrjes së opinionit, natyrshëm Komisioni Hetimor duhet të vijojë punën dhe ta plotësojë brenda kohës së caktuar për ta çuar deri në fund. Komisioni i Venecias është i qartë dhe thotë se Presidenti ka shkelur Kushtetutën. Pa dyshim që Komisioni parlamentar ka një plan hetimor që do të marrë në shqyrtim këtë opinion dhe në përfundim do të dalë më konkluzionet e tij", tha Balla.