Futbolli shqiptar në zi, shuhet Miço Papadhopulli
Futbolli shqiptar në zi. Është shuar në moshën 86vjeçare Miço Papadhopulli. Një ikonë me vlera të paçmueshme jo vetëm për kohën kur luante me Partizanin, por edhe si trajner e pedagog tek Instituti i Fizkulturës, kur mbante titujt "Profesor", "Doktor". Ai është nga figurat më të spikatura në vend, ndërsa do të mbahet mend edhe si president i FSHF- së në vitet 19972002 apo si President Nderi në qeverinë e futbollit prej vitit 2002. "Daja", siç e njohin të gjithë, ka lënë gjurmë edhe te Partizani si mbrojtës, ku ka fituar plot 6 tituj kampion me të kuqtë ( 1975, 1958, 1959, 1961, 1963, 1964). Përgjatë asaj periudhe, ka mbajtur edhe shiritin e kapitenit. Me skuadrën e lavdishme të asaj kohe të "demave", mori edhe medaljen e argjendtë në turnetë ndërkombëtarë të Lajpcig të Gjermanisë ( 1958) dhe në Hanoi të Vietnamit ( 1963). "Mjeshtër i Madh" dhe "Mjeshtër i merituar" ishin disa nga titujt që kishte fituar profesionalisht, por gjithkush që e ka njohur, do ta mbajë mend si një njeri të qeshur dhe shumë human.
Homazhet në nder të ish- presidentit të FSHF- së u zhvilluan te Muzeu Kombëtar, ditën e djeshme, në orën 12: 00. Figura të njohura të sportit dhe jo vetëm ishin të pranishëm për t'i dhënë lamtumirën e fundit. Nuk munguan as përjetimet e miqve të tij në këtë sport, duke filluar nga To
Homazhet -
morr Shehu, ish- futbollist i Partizanit, i cili tha: "Ne i japim lamtumirën një njeriu që kontribuoi shumë për futbollin. Njeri humanist, i dashur dhe që i afronte të rinjtë". Edhe Iljaz Çeço, ishfutbollist i Dinamos, nuk mund të mungonte, ndërsa u shpreh: "I shprehim ngushëllimet familjes Papadhopulli për humbjen e njeriut të tyre të dashur. Ka qenë një person jo vetëm që lozte futboll, por edhe intelektual. Në atë kohë ka qenë një nga mbrojtësit më elastikë falë edhe përgatitjeve të tij që në fëmijëri". Disa fjalë i tha edhe Shyqyri Rreli, ish- futbollist dhe trajner i Tiranës: "Ishte një lajm i hidhur, sepse më iku një shok i ngushtë. Kemi pasur një jetë të përbashkët qoftë në sport, qoftë në rrugën pedagogjike". Apo edhe Mehdi Bushati, ish- anëtar i KE në federatë, i cili shprehet: "Futbolli shqiptar humbi një president të madh siç ka qenë Miço Papadhopulli".