VRITET ZËDHËNËSI I ISIS
Vrasja e njeriut më të kërkuar në botë, liderit të ISIS- it, Abu Bakr al- Baghdad, është lajmi që ka tërhequr më shumë kureshtje nga miliona njerëz në të gjithë botën, me detaje të reja nga operacioni që po zbulohen vazhdimisht nga mediat amerikane.
Por pa dyshim, kureshtja më e madhe ishte mbi mënyrën se si u zbulua vendndodhja e kreut të ISIS- it, i raportuar gabimisht si i vrarë rreth pesë herë më parë, i kërkuar në të gjithë botën që nga viti 2014, kur arriti kulmin e Kalifatit të tij në territoret e Irakut dhe Sirisë, i mbrojtur dhe i admiruar nga miliona luftëtarë ekstremistë dhe i vetëdeklaruar si pasardhës i profetit Muhamed. Operacioni “Obliteration” është krahasuar nga Shtëpia e Bardhë me atë të vitit 2011 të kryer nga Navy Seals, me zbulimin dhe ekzekutimin e Osama bin Laden, në atë kohë njeriu më i kërkuar në botë, kreu i Al Kaedës. Presidenti Donald Trump madje thotë se ky rast ishte më i rëndësishëm, pasi sipas tij, po flitet për një person që themeloi atë që ai vetë preferonte ta quante shtet, në territore të konsiderueshme në Irak dhe Siri. Detaji më i interesant i zbuluar gjatë ditës së hënë, ishte se Al- Baghdadi ishte gjetur pas arrestimit të një prej bashkëshorteve të tij. Lajmin e ka konfirmuar zëvendëspresidenti i SHBA- ve, Mike Pence. Zyrtarët irakianë kishin arritur të arrestojnë një nga gratë e shumta të Al- Baghdadit, nipin dhe gruan e njërit nga njerëzit e tij të besueshëm. Aksioni kishte bërë që të zbulohen koordinatat, vendi i fshehtë dhe njerëzit që e rrethonin liderin e ISIS- it në veriperëndim të Sirisë, që kontrollohej nga Al- Qaeda, që konsiderohet organizatë armike e AlBaghdadit. Me përfshirjen e CIA- s, misioni për ta kapur
Forcat Demokratike Siriane, të udhëhequra nga kurdët në Siri, kanë thënë se zëdhënësi i grupit militant ISIS është vrarë në një operacion të përbashkët të Shteteve të Bashkuara. Komandanti i Forcave Demokratike Siriane, ( FDS) Mazloum Abdi, ka thënë se zëdhënësi i ISIS- it, Abu Hassan alMuhajir, është shënjestruar në një fshat afër qytezës Jarabulus pranë kufirit me Turqinë, në një operacion të koordinuar në mes të inteligjencës së FDS- së dhe Ushtrisë amerikane. Në një postim tjetër, zëdhënësi i Forcave Demokratike Siriane, Mustefa Bali, ka thënë se Muhajir është vrarë.
Al- Baghdadin u intensifikua.
Ishin rreth 70 trupa elitare amerikane që u përfshinë në operacion.
Helikopterët e Ushtrisë amerikane u ngritën në ajër nga baza ajrore në Irak, ku nga aty fluturuan rreth 500 milje mbi një territor shumë të rrezikshëm, rrugëtim ky që zgjati një orë e dhjetë minuta. Njësitë elitare amerikane janë detyruar të kalojnë hapësirat ajrore ruse, siriane dhe ato turke për të arritur objektivin. Zyrtarët e lartë ushtarakë amerikanë kishin njoftuar Moskën, Damaskun dhe Ankaranë zyrtare se “diçka e madhe pritet të ndodhë”, duke mos ndarë me ta qëllimin e tyre përfundimtar.
Helikopterët e tipit “Chinook” dhe “Black Hawk” iu afruan zonës së rrezikut në provincën e Idlib në afërsi të vijës kufitare me Turqinë. Breshëri plumbash mbulonin pjesëtarët e njësive elitare “Delta Force” dhe “Rangers” që të zbrisnin nga helikopteri në tokë me litar pa u goditur nga forcat armike. Të armatosur rëndë, me qentë dhe robotët për t’u bërë ballë sulmeve kamikaze, trupat elitare hynë në ndërtesë duke hapur një vrimë në murin e “bazës” së Al- Baghdadit. Dy gra të veshura me jelek me eksploziv mbetën të vrara në vend, së bashku me një grup luftëtarësh të Al- Baghdadit. Aty nisi pastrimi i ndërtesës, duke kontrolluar në detaje çdo dhomë që ishte në errësirë të plotë, ndërkohë që dëgjoheshin zëra në gjuhën arabe, ku bëhej thirrje që AlBaghdadi të dorëzohej. “Delta Force” hynë më thellë në objekt. Ata ndihmuan të nxjerrin të gjallë 11 fëmijë, kurse një grup ekstremistësh të ISIS- it u dorëzuan kur nuk kishin më asnjë shans për të reaguar ndryshe. Dhe në momentin që ky objekt u zbraz, trupat amerikane lëshuan qentë e tyre gjahtarë për të gjetur dhe ndjekur Al- Baghdadin që kishte hyrë në një tunel nëntokësor, ku me vete kishte marrë edhe tre fëmijët. Sipas forcave amerikane, tuneli ishte pa dalje dhe qentë e trajnuar vazhdonin t’i ndiqnin. Kur mbërriti në fund të tunelit, AlBaghdadi aktivizoi jelekun e mbushur me eksploziv duke hedhur veten në erë dhe fëmijët që i kishte me vete. Pas shpërthimit, tuneli u bë rrafsh me tokën. Presidenti Donald Trump e përshkroi me përçmim vdekjen e Al- Baghdadit, duke përdorur shprehjen “vdiq si qen” dhe sipas tij, të gjithë duhet ta shohin këtë që të mos e adhurojnë. “Personi që u mundua shumë që të tjerët të jetojnë në ankth, sekondat e fundit të jetës i kaloi në frikë dhe panik total nga forcat amerikane”, ka deklaruar Trump. Pas marrjes së mostrave të ADN- së u konstatua se bëhej fjalë vërtet për Al- Baghdadin.