"Reforma në Drejtësi, impakt në luftën kundër trafikimit"
“Prokurorët e gjyqtarët do marrin vendimet e duhura”
Konferenca rajonale kundër trafikimit të qenieve njerëzore u zhvillua dje në Tiranë nga Ministria e Brendshme, me mbështetjen e projektit rajonal "Parandalimi dhe lufta kundër trafikut të qenieve njerëzore", financuar nga qeveria gjermane. Ministri i Brendshëm, Sandër Lleshaj, deklaroi gjatë konferencës se Reforma në Drejtësi do të ketë impakt në luftën kundër trafikimit të qenieve njerëzore. Kjo, sipas tij, pasi prokurorët dhe gjyqtarët e duhur do të marrin vendimet e duhura. "Pranohet tashmë që Reforma në Drejtësi është ajo reformë, e cila do të impaktojë jo vetëm këtë element, por të gjithë shoqërinë shqiptare. Dhe ndërkohë ka filluar impakti i madh pozitiv që kjo reformë po sjell në të gjithë vendin, por specifikisht në temën, për të cilën ne jemi mbledhur sot. Mendojmë se aktivizimi ose konkretizimi i hapave për Reformën në Drejtësi do të sjellë patjetër rezultate të dukshme, për arsye se do të bëjë që prokurorët dhe gjyqtarët e duhur do të marrin dhe vendimet e duhura. Kjo është ajo, e cila na jep shumë optimizëm, shpresë, por dhe na motivon, motivon të gjitha institucionet për të thelluar dhe intensifikuar punën në këtë drejtim. Motivon veçanërisht Policinë, e cila tashmë sheh tek Prokuroria, te Gjykata, përditë e më shumë një partner të besueshëm tek i cili nuk varrosen rastet e evidentuara nga Policia, por tek i cili rastet thellohen dhe çohen deri në fund dhe shoqërohen me "Prokurorë, ju bëj thirrje që të hetoni, të ndiqni penalisht dhe të dënoni më shumë trafikantë. Ne do t'ju mbështesim gjatë rrugës. Dhe së bashku duhet të vazhdojmë të ndërtojmë zinxhirin që lidh trafikantët me ndjekjet penale dhe dënimet që mbështet viktimat me strehëza dhe përkrahje dhe ngre lart të gjithë Shqipërinë me premtimin e të nesërmeve më të ndritshme. Ju përgëzoj të gjithëve për përpjekjet tuaja të shkëlqyera dhe shpreh zotimin e palëkundur të SHBA për qëllimet tona të përbashkëta", u shpreh zv. ambasadori amerikan në detyrë, Daniel Koski. drejtësi në fund të herës", u shpreh Lleshaj. Nga ana tjetër, ministrja e Shëndetësisë dhe Mbrojtjes Sociale, Ogerta Manastirliu theksoi se aktualisht 75 grave dhe vajzave viktima të trafikimit, u është siguruar strehimi dhe shërbimet e nevojshme, me synim riintegrimin e tyre në shoqëri. Ajo deklaroi se këtë vit, nëpërmjet një mekanizmi të ri financiar, Fondit Social, Ministria e Shëndetësisë dhe Mbrojtjes Sociale do të mundësojë financimin e shërbimeve të reja në territor në mbrojtje të menjëhershme për grupet vurnerabël. "Nëpërmjet Fondit Social, ne jemi të gatshëm të financojmë menjëherë shërbime për grupet në nevojë, ndaj gjej rastin të nxis bashkitë të aplikojnë për këtë fond që tashmë e kanë në dispozicion për zgjerimin apo ngritjen e shërbimeve sociale. Aktualisht janë 9 bashki që kanë aplikuar për ngritjen e qendrave që ofrojnë shërbime për grupet vulnerabël, mes të cilave edhe vajzat dhe gratë viktima të dhunës dhe trafikimit", tha Manastirliu.